बॉलिवूड अभिनेता सुशांत सिंह राजपूतच्या निधनानंतर सर्वांना दु:ख झाले आहे. त्याने वयाच्या ३४व्या वर्षी जगाचा निरोप घेतला. १४ जून रोजी सुशांतने राहत्या घरात गळफास घेऊन आत्महत्या केली. सुशांतच्या पार्थिवावर सोमवारी दुपारी विलेपार्ले येथील पवनहंस स्मशानभूमीत अंतिम संस्कार करण्यात आले. त्यानंतर सुशांतची एक्स गर्लफ्रेंड अंकिता लोखंडेने सुशांतच्या कुटुंबीयांची भेट घेतली. तेव्हाचा तिचा व्हिडीओ व्हायरल झाला आहे. त्यानंतर अंकिताने एकता कपूरची भेट घेतली. सोशल मीडियावर व्हायरल होत असलेल्या व्हिडीओमध्ये अंकिता सुशांतचा मित्र निर्माता संदीप सिंहसोबत दिसत आहे. ते दोघे ही एकता कपूरच्या घरातून बाहेर येताना दिसत आहेत. अंकिता अतिशय दु:खी असल्याचे दिसत आहे. View this post on Instagram Ankita Lokhande and producer Sandeep Singh (Sushant’s producer friend) spotted leaving Ekta Kapoor’s place today FOLLOW @voompla INQUIRIES @ppbakshi . #voompla #bollywood #ankitalokhande #bollywoodstyle #bollywoodfashion #mumbaidiaries #delhidiaries #indianactress #bollywoodactress #bollywoodactresses A post shared by Voompla (@voompla) on Jun 16, 2020 at 9:38am PDT अंकिता लोखंडेचा हा व्हिडीओ वूंपलाने त्यांच्या इन्स्टाग्राम अकाऊंटवर शेअर केला आहे. यापूर्वी अंकिता सुशांतच्या घरातून बाहेर पडतानाचा व्हिडीओ सोशल मीडियावर व्हायरल झाला होता. सुशांतच्या निधनानंतर अंकिताची प्रतिक्रिया घेण्यासाठी तिच्याशी संपर्क साधण्यात आला होता. त्यावेळी तिला सुशांतने आत्महत्या केल्याचे माहितच नव्हते. तिने ‘काय?’ एवढा एकच शब्द बोलून फोन कट केला होता. अचानक सुशांतच्या निधनाची बातमी ऐकून अंकितालाही धक्काला बसला होता. सुशांत आणि अंकिताने छोट्या पडद्यावरील 'पवित्र रिश्ता' या मालिकेत एकत्र काम केले होते. त्यानंतर त्या दोघांच्या अफेअरच्या चर्चा सुरु झाल्या होत्या. पाच वर्षे त्यांनी एकमेकाला डेट केले होते. पण नंतर त्यांचा ब्रेकअप झाला.