महाराष्ट्राचा सुपरस्टार आणि लाखो मराठी युवकांचा स्टाईल आयकॉन असलेल्या अंकुश चौधरीच्या अतरंगी ‘देवा’ने संपूर्ण महाराष्ट्राला वेड लावले आहे. सुखी आयुष्याचा कानमंत्र देणा-या या सिनेमाला राज्यभर पसंती मिळत असून, प्रत्येक सिनेमागृहातील तिकीट खिडकीवर हाऊसफुल्लची पाटी झळकताना दिसत आहे. नाताळ सणाच्या सुट्टीत प्रेक्षकांच्या भेटीस आलेल्या या सिनेमाने केवळ मराठीच नव्हे तर अमराठी प्रेक्षकांनादेखील आपलेसे केले आहे.
वाचा : फेक फोटो शेअर करून शुभेच्छा देणाऱ्या ऋषी कपूरना नेटीझन्सनी फटकारले
मुरली नलप्पा यांनी दिग्दर्शन केलेला हा सिनेमा, हिंदीतील निर्मितीसंस्था असलेल्या प्रमोद फिल्मने इनोव्हेटिव्ह फिल्मसोबत निर्मित केला आहे. मनोरंजनाबरोबरच प्रेक्षकांसमोर आयुष्याचे गमक मांडणारा हा सिनेमा, प्रत्येकाला आपल्या अस्तित्वाविषयी विचार करण्यास उद्युक्त करतो. एका बाजूला खळखळून हसायला लावतानाच हा ‘देवा’ दुसरीकडे रसिकांना भावविवशदेखील करतो. विशेष म्हणजे, या सिनेमाची मौखिक प्रसिद्धीच अधिक होताना दिसून येत आहे. या सिनेमातील गाणीदेखील प्रेक्षकांना आवडत असून, ‘देवा’च्या प्रत्येक स्टाईलचे अनुकरण प्रेक्षक करू लागले आहेत.
वाचा : गायिका तुलसी कुमारने दिली गोड बातमी
तेजस्विनी पंडित आणि स्पृहा जोशी या मराठीतील आघाडीच्या नायिकांना एकत्र आणणा-या या सिनेमाचा आशय आणि मांडणी सिनेरासिकांपर्यंत अचूक पोहोचली असल्याचे हे चिन्ह असून, सर्व सुखाय आणि हिताय असलेला हा सिनेमा संपूर्ण महाराष्ट्राला आपल्या अतरंगी ‘देवा’ ची बहुरंगी लीला दाखवण्यास यशस्वी होत आहे.
