प्रभासने नाकारले लग्नांचे ६००० प्रस्ताव!

अभिनेता प्रभास हा आता सुपरस्टार झाला आहे. गेल्या आठवड्यात प्रदर्शित झालेल्या ‘बाहुबली २’ने आतापर्यंत बॉक्स ऑफिसचे बहुतेक सर्वच विक्रम मोडीत काढले आहेत. प्रभास, दिग्दर्शक एसएस राजामौलीपासून चित्रपटाची संपूर्ण टीम या यशाचा आनंद साजरा करते आहे. ‘बाहुबली’च्या दोन्ही चित्रपटांसाठी प्रभासने घेतलेल्या मेहनतीचं फळ त्याला मिळालं आहे. या चित्रपटासाठी त्याने गेली पाच वर्षे दुसऱ्या कोणत्याच चित्रपटात किंवा जाहिरातीत काम केलं नाही हे आतापर्यंत सर्वांना कळले आहे. पण, तुम्हाला माहितीये का एसएस राजामौलींचा हा ड्रीम प्रोजेक्ट पूर्ण करण्यासाठी या अभिनेत्यानं त्याचं लग्नही पुढं ढकललं. इतकंच नव्हे तर या तेलगू अभिनेत्यानं गेल्या पाच वर्षांमध्ये लग्नांचे ६००० प्रस्ताव नाकारल्याचे वृत्त समोर आलंय.

‘बाहुबली द बिगनिंग’ प्रदर्शित झाल्यापासून प्रभासच्या चाहत्यांच्या संख्येत प्रचंड वाढ झाली. यामध्ये तरुणींची संख्या अधिक असून, तो आताच्या घडीला मुलींच्या गळ्यातील ताईत बनला आहे. अनेक मुलींच्या स्वप्नात येणाऱ्या या अभिनेत्याला त्यामुळे वारंवार लग्नाचे प्रस्ताव येत होते. मात्र, आपल्या कामावर लक्ष केंद्रित करणाऱ्या प्रभासने नम्रपणे हे सर्व प्रस्ताव नाकारले.

प्रभास आता लवकरच लग्न करणार असल्याचेही म्हटले जातेय. इंजिनिअरिंगची विद्यार्थिनी असलेल्या २३ वर्षीय तरुणीसोबत तो लग्न करणार असून, त्याच्या आई-वडिलांनीच तिची निवड केल्याचे कळते. ‘बाहुबली’च्या चित्रीकरणामुळेच त्याने लग्नाची तारीख पुढे ढकलली होती.

https://www.instagram.com/p/BTcr6RQFBaH/

This quiz is AI-generated and for edutainment purposes only.

https://www.instagram.com/p/BTYBhcGlKHR/