बॉलिवूडमधील प्रसिद्ध चित्रपट दिग्दर्शक आनंद एल.राय यांना करोनाची लागण झाली आहे. ट्विटरवर एक पोस्ट शेअर करत त्यांनी ही माहिती दिली आहे. सध्या ते क्वारंटाइन असून डॉक्टरांच्या सुचनांचं पालन करत आहेत. आनंद एल. राय त्यांच्या आगामी अतरंगी रे या चित्रपटाच्या चित्रीकरणामध्ये व्यस्त होते. मात्र, या काळातच त्यांना करोनाची लागण झाल्याचं स्पष्ट झालं. त्यानंतर ते क्वारंटाइन झाले आहेत. सोबतच त्यांनी इतरांना काळजी घेण्याचं आवाहनदेखील केलं आहे. I have tested covid positive today.Just wanted to inform everyone that I don’t feel any symptoms & I feel fine. I’m quarantining as instructed by authorities.Anyone wh has come in contact with me recently is advised to quarantine & follow d govt protocols.Thank you for support — Aanand L Rai (@aanandlrai) December 31, 2020 "माझे करोना रिपोर्ट पॉझिटिव्ह आले आहे. मात्र, माझ्यात करोनाची कोणतीच लक्षणं नव्हती. सध्या मी क्वारंटाइन आहे. तसंच सगळ्या नियमांचं नीट पालन करत आहे. गेल्या काही दिवसांमध्ये जे लोक माझ्या संपर्कात आले होते. त्यांनी कृपया क्वारंटाइन रहा आणि नियमांचं पालन करा", अशी पोस्ट आनंद राय यांनी केली आहे. दरम्यान, आनंद एल. राय यांच्या आगामी 'अतरंगी रे' या चित्रपटात अभिनेता अक्षय कुमार, सारा अली खान आणि दाक्षिणात्य सुपरस्टार धनुष ही कलाकार मंडळी झळकणार आहेत.
