'एक दीवाना था', 'सिंह इज ब्लिंग' अशा बॉलीवूड चित्रपटात झळकलेली अभिनेत्री एमी जॅक्सन नेहमी वैयक्तिक आयुष्यामुळे चर्चेत असते. आता पुन्हा एकदा एमी वैयक्तिक आयुष्यामुळे चर्चेत आली आहे. याचं कारण म्हणजे तिचा साखरपुडा. हो, एमीने लोकप्रिय टीव्ही सीरिज ‘गॉसिप गर्ल’मध्ये चक बॅस म्हणजेच ब्रिटीश अभिनेता ॲड वेस्टविकबरोबर स्वित्झर्लंडमध्ये साखरपुडा केला आहे. याचे फोटो अभिनेत्रीने स्वतः सोशल मीडियावर शेअर केले आहेत. अभिनेत्री एमी जॅक्सनने 'होकार' असं कॅप्शन देत साखरपुड्याचे फोटो शेअर केले आहेत. ज्यामध्ये बर्फाळ डोंगराजवळ असलेल्या एका ब्रीजवर अभिनेता अ‍ॅड वेस्टविक एमीला प्रपोज करताना दिसत आहे. एमीने होकार दिला असून दोघं हा आनंद साजरा करताना दोघं पाहायला मिळत आहेत. दोघांचे हे फोटो खूपच व्हायरल झाले आहेत. हेही वाचा - “सलमान भाईसमोर अभिषेक नावाची…”, ‘बिग बॉस ओटीटी २’मधील सदस्याने भाईजानला लगावला टोला, म्हणाला… https://www.instagram.com/p/C2rwmVxKAq8/?igsh=YXZyOGtjdHV0cmxq&img_index=4 एमी अ‍ॅडच्या आधी जॉर्ज पानायियोटौ (George Panayiotou) बरोबर रिलेशनशिपमध्ये होती. २०१९मध्ये जॉर्जने एमीला प्रपोज केलं होतं. त्यानंतर दोघं लिव्हइन रिलेशनशिपमध्ये राहू लागले. यावेळीच एमी लग्न न करताना एका मुलाची आई झाली. २०१९मध्ये अभिनेत्रीने एका गोंडस मुलाला जन्म दिला. पण काही काळानंतर एमी व जॉर्ज वेगळे झाले. त्यानंतर एमीच्या आयुष्यात अ‍ॅड वेस्टविकची एन्ट्री झाली. २०२२पासून एमी व अ‍ॅडने एकमेकांना डेट करायला सुरुवात केली. गेल्या वर्षी अ‍ॅड मुंबईत आला होता. तेव्हा दोघांचा गेट वे ऑफ इंडियासमोरचा लिपलॉक करतानाचा फोटो तुफान व्हायरल झाला होता. आता दोघांनी साखरपुडा केला असून अनेक सेलिब्रिटींसह चाहते शुभेच्छा देत आहेत. हेही वाचा - Bigg Boss 17चा विजेता मुनव्वर फारुकीचा पहिला पगार किती होता माहितेय? जाणून घ्या… दरम्यान, एमीच्या कामाबद्दल बोलायचं झालं तर, लवकरच ती 'क्रॅक' चित्रपटात पाहायला मिळणार आहे. यामध्ये विद्युत जामवाला, नोरा फतेही आणि अर्जुन रामपाल या कलाकारांबरोबर ती स्क्रीन शेअर करताना दिसणार आहे. एमीने २०१२ साली 'एक दीवाना था' या चित्रपटाच्या माध्यमातून बॉलीवूडमध्ये पाऊल ठेवलं होतं.
