अभिनेता सिद्धार्थ मल्होत्राने कियारा अडवाणीशी ७ फेब्रुवारीला लग्नगाठ बांधली. दोघांनी जैसरलमेर, राजस्थान येथील सूर्यगढ पॅलेसमध्ये आपले कुटुंबीय आणि जवळच्या मित्रपरिवाराच्या उपस्थितीत लग्न केलं. कियारा आणि सिद्धार्थने त्यांच्या लग्नाचे फोटो आणि काही व्हिडीओ सोशल मीडियावर शेअर केले आहेत. पण त्यांच्या लग्नाआधीच्या फंक्शनचे व्हिडीओ आणि फोटोही समोर आलेले नाहीत. मात्र आता कियाराचा भाऊ मिशाल अडवाणीने मात्र संगीत नाइटचा एक व्हिडीओ इन्स्टाग्रामवर शेअर केला आहे. कियाराच्या भावाने संगीत नाइटचा व्हिडीओ इन्स्टाग्रावर शेअर केला आहे. ज्यात तो आपल्या बहिणीला खास गिफ्ट देताना दिसत आहे. या व्हिडीओमध्ये मिशाल स्टेजवर परफॉर्म करताना दिसत आहे. त्यानेही मनिष मल्होत्राने डिझाइन केलेले ब्लॅक कलरचे आउटफिट्स परिधान केले आहेत. तर या संगीत नाइटसाठी केलेलं लाइट्सचं सुंदर डेकोरेशनही सर्वांचं लक्ष वेधून घेत आहे. मात्र या व्हिडीओमध्ये सिद्धार्थ आणि कियारा दिसत नाहीत. आणखी वाचा- करण जोहर भारी दिलदार! निर्मात्याने सिद्धार्थ-कियाराला दिलं लग्नाचं ‘हे’ मोठं गिफ्ट मिशाल अडवाणीने हा व्हिडीओ शेअर करताना त्याच्या कॅप्शनमध्ये लिहिलं, "तेरी आंखों से याद आया मेरी बातों में प्यार" या त्याच गाण्याच्या ओळी आहेत जे गाणं तो गात आहे. या व्हिडीओवर कमेंट करताना कियारा अडवाणीने हार्ट इमोजी पोस्ट केला आहे. याशिवाय अनेक युजर्सनी कियाराच्या आयुष्यातील खास दिवशी मिशालच्या परफॉर्मन्सचं कौतुक केलं आहे. आणखी वाचा- सुजलेले ओठ, चेहरा अन्…; रुबीना दिलैकला नक्की झालंय तरी काय? फोटो व्हायरल दरम्यान सिद्धार्थ आणि कियाराने ७ फेब्रुवारीला लग्न केलं. त्यानंतर दुसऱ्याच दिवशी दोघंही पती-पत्नीच्या रुपात जैसलमेर विमानतळावर दिसले होते. जैसलमेरमधून ते दिल्लीला गेले. दिल्लीला मल्होत्रा कुटुंबियांनी दोघांचं शानदार पद्धतीने स्वागत केलं. १० फेब्रुवारीला या दोघांनी दिल्ली येथे रिसेप्शन पार्टी ठेवली होती. त्यानंतर आता मुंबईमध्येही रिसेप्शन पार्टी दिली जाणार असून त्याची तयारी सुरू आहे.
