…अन् हिना ढसाढसा रडली

शिल्पा स्वयंपाक करत असताना तिथे विकास गुप्पा, अर्शी खान आणि पुनीश बसले होते. तेव्हा हिना शिल्पाला म्हणाली की, ‘पाऊण तासापूर्वी मी तुला ऑम्लेट करण्यासाठी सांगितले होते. पण अजून तू मला ऑम्लेट करून दिलेलं नाही. जर तुला माझ्यासाठी ऑम्लेट करण्याची इच्छा नव्हती तर तू मला तसं सांगायला हवं होतं.’

हिनाच्या अशा बोलण्यावर शिल्पालाही राग आला आणि तिला जशास तसे उत्तर देताना ती म्हणाली की, ‘आम्ही आता बाकीचा स्वयंपाक करायला सुरूवात केली आहे. तुला हव्या असलेल्या गोष्टीबद्दल तू इथे येऊन नीट सांगायला हवं होतं. इथे २४ तास उभं राहायला मी तुझी नोकर नाही.’ यावर हिनाही गप्प बसली नाही. तिनेही लगेच ‘मग काय मी या घरची नोकर आहे का?’, असे प्रत्युत्तर दिले.

यानंतर हिनाने घडलेला प्रकार सपना, लव आणि प्रियांकला सांगितला. हे सगळं सांगताना ती ढसाढसा रडत होती. शिल्पा टास्कमध्ये घडलेल्या गोष्टींचा राग जेवणावर काढते, असा आरोपही हिनाने केला.