मुस्लिम समुदायाविषयी समाजमाध्यमावरून द्वेष निर्माण करणारे वक्तव्य केल्याप्रकरणी अभिनेत्री कंगना राणावत आणि तिची बहीण रंगोली चंडेल यांच्या विरोधात चौकशी सुरू करण्याचे आदेश अंधेरी महानगरदंडाधिकाऱ्यांनी गुरुवारी पोलिसांना दिले. कंगना आणि रंगोलीविरोधातील तक्राराची पडताळणी केल्यानंतर या प्रकरणी आरोपींची नेमकी भूमिका निश्चित करणे गरजेचे आहे. शिवाय त्यांच्याविरोधातील पुरावा हा इलेक्ट्रॉनिक स्वरुपाचा आहे. त्यामुळे आरोपींविरोधात कारवाई करण्यासाठी पोलीस चौकशी आवश्यक आहे, असे महानगरदंडाधिकाऱ्यांनी नमूद केले.
