‘रामायणा’त सीतेची भूमिका साकारणाऱ्या दीपिकाला ओळखणंही अशक्य

रामायण मालिकेला २५ वर्षांहून अधिक काळ उलटून गेला मात्र दीपिकानं साकारलेली सीता लोकांना आजही लख्ख आठवते. मालिकेनंतर दीपिकानं काही चित्रपटातही काम केलं मात्र त्यानंतर रुपेरी पडद्याशी त्यांचं नातं कायमचं तुटलं. पण आता एका कार्यक्रमानिमित्त दीपिका समोर आल्या. देबिना बॅनर्जीनं दीपिका यांच्यासोबतचा फोटो आपल्या इन्स्टाग्राम अकाऊंटवरून शेअर केला आहे.

View this post on Instagram

A post shared by Debinna Bonnerjee (@debinabon)

देबिनानं देखील सीतेची भूमिका साकारली होती. ही भूमिका साकारताना तिला दीपिका यांची खूपच मदत झाली होती. जुन्या रामयणच्या सीडी पाहून देबिनानं दीपिका यांच्या अभिनयातून अनेक लहान सहान गोष्टी शिकून घेतल्या. त्यामुळे दीपिका यांना भेटण्याचा योग आल्यानं देबिनाचा आनंदही गगनात मावेनासा झाला. त्यामुळे या अनमोल भेटीचे खास क्षण देबिनानं शेअर केले.