२००६ साली प्रेक्षकांच्या भेटीला आलेला ‘कभी अलविदा ना कहना’ या चित्रपटातील शाहरुख खान व प्रिती झिंटा यांचा लहान मुलगा आठवतोय? आपल्या अभिनयाने प्रेक्षकांची मन जिंकणारा हा मुलगा प्रत्यक्षात मुलगा नसून एक मुलगी आहे. बालकलाकार म्हणून चित्रपटामध्ये मुलाचं काम केलेल्या या मुलीचं नाव अहसास चन्ना असं असून आज ती सोशल मीडियावर प्रचंड लोकप्रिय आहे.

या बातमीसह सर्व प्रीमियम कंटेंट वाचण्यासाठी साइन-इन करा
ई-मेल द्या, नी साइन-अप करा
Already have a account? Sign in

अहसास चन्नाचा जन्म जालंधरमध्ये झाला असून इक्बाल चन्ना पंजाबी हे चित्रपट निर्माते आहेत. तर तिची आई कुलबीर कौर या छोट्या पडद्यावरील अभिनेत्री आहेत. घरातूनच अभिनयाचा वारसा मिळालेल्या एहसासने ‘कभी अलविदा ना कहेना’ या चित्रपटामध्ये एका मुलाची भूमिका साकारली होती.  एहसास चन्ना सध्या तरुणाईच्या गळ्यातलं ताईत झाली असून सोशल मीडियावर तिचे असंख्य फॉलोअर्स आहेत. एहसास कलाविश्वामध्ये सक्रिय असून मालिका आणि वेब सिरीजच्या माध्यमातून ती प्रेक्षकांच्या भेटीला येत असते. तिची ‘कोटा फॅक्ट्री’ ही सिरीज प्रचंड लोकप्रिय झाली आहे.

दरम्यान, बालकलाकार ते अभिनेत्री असा प्रवास करणाऱ्या एहसासची ‘कसम’ या मालिकेतील भूमिका विशेष गाजली. या मालिकेव्यतिरिक्त तिने ‘देवों के देव…महादेव’ या मालिकेत भगवान शंकराच्या मुलीची अशोकासुंदरीची व्यक्तीरेखा साकारली होती. तसंच ‘मधुबाला-एक इश्क एक जुनून’, ‘क्राइम पट्रोल’, ‘गंगा’, ‘कोड रेड-तलाश’, ‘ओए जस्सी’, ‘एमटीवी फना’ या कार्यक्रमांमध्ये ती झळकली आहे.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Do you remember shah rukh khans son in kabhi alvida naa kehna heres how the actor looks now ssj
First published on: 20-09-2019 at 14:18 IST