ज्येष्ठ समाजसेवक अण्णा हजारे यांच्या जीवनावर बनत असलेल्या 'अण्णा' नावाच्या चित्रपटाचे पहिले पोस्टर प्रसिद्ध झाले आहे. चित्रपटाच्या शुटिंगला राळेगणसिद्धी या अण्णांच्या गावामधून सुरुवात झाली होती. शशांक उदापुरकरने अण्णांची व्यक्तिरेखा साकारली असून, अण्णांचे सामाजिक कार्य आणि त्यांनी केलेली आंदोलने चित्रपटात पाहायला मिळतील. यात गावाच्या विकासापासून जनलोकपाल आंदोलनापर्यंतचा अण्णांचा प्रवास दर्शविण्यात आला आहे. काजोलची बहिण तनीषा चित्रपटात वार्ताहराच्या भूमिकेत दिसेल. चित्रपटाचे पोस्टर चित्रपटाच्या इंन्स्टाग्राम पेजवर शेअर करण्यात आले आहे.
