अभिनेता हृतिक रोशन बॉलिवूडचा हॅण्डसम हंक म्हणून ओळखला जातो. अगदी त्याच्या लूकपासून अभिनयापर्यंत तो प्रत्येक गोष्टीमध्ये परफेक्ट असल्याचं साऱ्यांनाच ठाऊक आहे. यामुळेच हृतिकचा चाहता वर्ग खूप मोठा आहे. अनेकदा चाहते त्यांच्या आवडत्या कलाकारासाठी वाट्टेल ते करताना दिसतात. असंच हृतिकच्या बाबती घडताना पाहायला मिळालं. इंफाळमधील त्याच्या एका चाहत्याने त्याच्या बाळाचं नाव हृतिक ठेवल्याचं पाहायला मिळालं आहे. इंफाळमधील हृषिकेश अंगोम हा हृतिकचा मोठी चाहता असून त्याने त्याच्या बाळाचं नाव हृतिक ठेवलं आहे. विशेष म्हणजे हे नाव ठेवण्यामागे एक खास कारण आहे. हृषिकेश यांच्या बाळाच्या हाताला हृतिकप्रमाणे सहा बोटं आहेत. त्यामुळे त्याने हृतिकचं नाव आपल्या बाळाला दिलं आहे. I hv been a big fan of @iHrithik from the time of KNPH. Even added 'H' to my name which I wrote earlier as 'Rishikesh'. Yesterday, I was blessed with a son, saw his thumb only this morning and decided to name my boy as "Hrithik" to be like @ihrithik Sir #BeautifullyImperfect pic.twitter.com/apY2vzU8cI — Hrishikesh Angom (@hr_angomba) November 23, 2020 "कहो ना प्यार है चित्रपटापासून मी हृतिकचा खूप मोठा फॅन झालो. माझं खरं नाव ऋषिकेश आहे. मात्र, मी माझ्या नावात हृ जोडून ते हृषिकेश केलं. काल मला मुलगा झाला आणि योगायागाने त्याच्या हातालादेखील सहा बोटं आहेत. त्यामुळे मी त्याचं नाव हृतिक ठेवलं, असं हृषिकेश यांनी ट्विट करत सांगितलं. दरम्यान, हृतिक हा दिग्दर्शक राकेश रोशन आणि पिंकी यांचा मुलगा आहे. हृतिकने 'कहो ना प्यार है' या चित्रपटातून बॉलिवूडमध्ये पदार्पण केले असून हा चित्रपट २००० मध्ये प्रदर्शित झाला होता. या चित्रपटातून हृतिकने अनेक लोकांच्या मनात घर केलं. लॉकडाउनआधी हृतिक 'वॉर' या चित्रपटात दिसला.