Kaala Trailer : ‘काला’मध्ये पाहायला मिळणार रजनीकांत यांच्यासोबत नानांची जुगलबंदी

यामध्ये रजनीकांत ‘काला’ची भूमिका साकारत असून नाना पाटेकर यांच्यासोबत त्यांचा झोपडपट्टीतल्या जमिनीवरून वाद होतो. अभिनेत्री हुमा कुरेशी यात ४५ वर्षीय महिलेची भूमिका साकारत असून तरुणपणी ‘काला’चं तिच्यावर प्रेम असल्याचं दाखवलं आहे. ट्रेलरची सुरुवातच नानांच्या संवादाने होते. झोपडपट्टीतल्या रहिवाशांना ते संबोधत असतात. त्यानंतर थलैवा रजनीकांतची धमाकेदार एण्ट्री होते. गँगस्टरची भूमिका साकारणाऱ्या रजनीकांत यांचं त्या झोपडपट्टीत वर्चस्व असतं तर हरिनाथ देसाईची भूमिका साकारणाऱ्या नानांना तिथे अतिक्रमण करायचं असतं.

या चित्रपटात दोन मोठे कलाकार असल्याने चाहत्यांमध्ये त्याची फारच उत्सुकता आहे. पीए.रंजित दिग्दर्शित हा चित्रपट ७ जून रोजी प्रदर्शित होणार आहे.