कमाल आर खानचे प्रत्येक ट्विट चर्चेचा विषय ठरते. विविध विषयांवर कोणीही विचारले नसताना हा स्वयंघोषित चित्रपट समीक्षक त्याची मते मांडताना दिसतो. सेलिब्रिटी त्याच्या ट्विटकडे फारसे लक्ष देत नसले तरी नेटकरी मात्र त्याच्या ट्विटची आतुरतेने वाट पाहात असतात. त्याला अनेक वेळा ट्रोल करतात. आता कमाल आर खानने ट्वीट करत पंतप्रधान नरेंद्र मोदी हे पुढचे आणखी १० वर्षे भारताचे पंतप्रधान म्हणून रहावेत अशी इच्छा व्यक्त केली आहे. कमाल आर खानने 'मी देवाकडे प्रार्थना करतो की मोदीजी हे पुढचे आणखी १० वर्षे पंतप्रधान रहावेत. कारण मला भक्तांना रस्त्यावर गळ्यात झोळी आणि अंतर्वस्त्र परिधान केलेल्या वेशात पाहायचे आहे' या आशयाचे ट्वीट केले आहे. त्याच्या या ट्वीटवर अनेकांनी कमेंट केल्याअसून सध्या हे ट्वीट सोशल मीडियावर चर्चेत आहे. आणखी वाचा : ‘तारक मेहता…’ फेम मुनमुन दत्ताच्या अटकेची मागणी, जाणून घ्या कारण I pray to GOD that Modi ji remains PM of India for more 10 years. Main Bhakton Ko Sadkon Par Gale main Jhola, Aur Chaddhi main Dekhna Chahta Hoon! — KRK (@kamaalrkhan) May 11, 2021 कमाल आर खान हा सोशल मीडिया पोस्टमुळे कायमच चर्चेत असतो. त्याचे प्रत्येक ट्वीट हे वादग्रस्त ठरत असते. आता देखील त्याने केलेले ट्वीट चर्चेत आहे.
