बॉलिवूड कलाकारमंडळी त्यांच्या हेल्थ आणि डाएट याच्याविषयी कायमच सतर्क असल्याचं पाहायला मिळतं. त्यामुळे अनेकदा ही कलाकार मंडळी जीम, योगा यांचा आधार घेत स्वत:ला फीट ठेवण्याचा प्रयत्न करत असतात. मात्र, अभिनेत्री कियारा आडवाणीने डाएटला छोट्यासा ब्रेक देत चक्क समोसा पार्टी केल्याचं पाहायला मिळालं. 'फिल्मफेअर'ने कियाराचा एक व्हिडीओ शेअर केला आहे. या व्हिडीओमध्ये कियारा समोसा पार्टी करताना दिसून येत आहे. अलिकडेच कियाराचा 'इंदू की जवानी' हा चित्रपट प्रेक्षकांच्या भेटीला आला. या चित्रपटाच्या स्क्रीनिंगसाठी कियारा चित्रपटगृहात पोहोचली होती. येथेच कियाराने समोसा पार्टी केली. View this post on Instagram A post shared by Filmfare (@filmfare) दरम्यान, कियाराच्या या व्हिडीओमध्ये मल्लिका दुआदेखील असल्याचं दिसून येत आहे. इंदू की जवानी या चित्रपटाचं दिग्दर्शन अबीर सेनगुप्ता यांनी केलं आहे. या चित्रपटानंतर कियारा लवकरच शेरशाह, भूलभुलैय्या २ या चित्रपटात झळकणार आहे. अलिकडेच ती लक्ष्मी या चित्रपटाच्या माध्यमातून प्रेक्षकांच्या भेटीला आली होती.
