अभिनेता सुशांतच्या आत्महत्येमुळे बॉलिवूडमधील घराणेशाहीवर प्रश्न उपस्थित केले जात आहेत. स्टार किड्सवर सोशल मीडिद्वारे जोरदार टीका होत आहे. दरम्यान संगीतकार मनोज मुंतशिर याने देखील बॉलिवूडमधील या मक्तेदारीविरोधात आवाज उठवला आहे. त्याने एका लहान मुलाचा व्हिडीओ पोस्ट करुन स्टार किड्सवर निशाणा साधला आहे. ऐसा पगला देने वाला talent, #NEPOTISM के showrooms में नहीं, सिर्फ़ मिट्टी के घरों में मिलेगा. बढ़ाइए बबुआ की हिम्मत, पहुँचाइए जहां तक पहुँचा पाएँ. pic.twitter.com/UUmFnMH2wK — Manoj Muntashir (@manojmuntashir) June 26, 2020 मनोज मुंतशिरने एक व्हिडीओ ट्विट केला आहे. या व्हिडीओमध्ये एक लहान मुलगा गोविंदाच्या 'एक चुम्मा तू मुझको उधार दे दे' या गाण्यावर डान्स करताना दिसत आहे. या मुलाचे मनोजने तोंड भरुन कौतुक केले आहे. "असं वेड लावणारं टॅलेन्ट घराणेशाहीच्या शोरुममध्ये नव्हे तर केवळ मातीच्या घरांमध्येच पाहायला मिळतं. या मुलाची हिंमत वाढवा. या मुलाला प्रसिद्ध करा." अशा आशयाची कॉमेंट त्याने या व्हिडीओवर केली आहे. मनोजने पोस्ट केलेला हा व्हिडीओ सध्या सोशल मीडियावर चर्चेत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहेत. मनोज मुंतशिर बॉलिवूडमधील नामांकित संगीतकारांपैकी एक म्हणून ओळखला जातो. त्याने आजवर एक 'गलियां', 'तेरे संग यारा', 'कौन तुझे', 'दिल मेरी न सुने', 'तेरी मिट्टी' यांसारख्या अनेक लोकप्रिय गाण्यांचे बोल लिहिले आहे. याशिवाय अनेक टीव्ही मालिकांच्या पटकथा देखील लिहिल्या आहेत.
