Video : “मला जिजामाता…”, प्रसिद्ध मराठी अभिनेत्रीच्या भाचीच्या वक्तव्याने वेधलं लक्ष, व्हिडीओ पाहून तुम्हालाही वाटेल अभिमान

नरवीर तानाजी मालुसरे यांच्या कामगिरीवर ‘सुभेदार’ हा चित्रपट २५ ऑगस्टला प्रदर्शित झाला. या या चित्रपटात अभिनेते अजय पुरकर हे तानाजी मालुसरे यांची व्यक्तीरेखा साकारत आहे. या चित्रपटाच्या निमित्ताने मराठी अभिनेत्री साक्षी गांधीने एक पोस्ट शेअर केली आहे. यात तिने तिच्या भाचीचा एक व्हिडीओ शेअर केला आहे.
आणखी वाचा : “प्रसिद्धीसाठी वापर, पॉकेटमनी अन्…”, मानसी नाईकने सांगितली लग्न व घटस्फोटाची संपूर्ण कहाणी; म्हणाली “त्यांच्या घरी धुणी-भांडी”

या व्हिडीओत तिची भाची कनक ही मोबाईलमध्ये ‘सुभेदार’च्या गाण्याचा व्हिडीओ पाहताना दिसत आहे. यावेळी जिजाऊंचा फोटो पाहून साक्षी तिला “त्या कोण आहेत”, असे विचारते. त्यावर तिची भाची “या जिजामाता आहेत.” त्यावर ती “तुला आवडतात का?” असे विचारते. त्यावर ती “मला त्या खूप आवडतात. मला जिजामाता बनायला खूप आवडेल”, असे म्हणते. यानंतर ती ‘मावळं जागं झालं रं’ हे गाणं गाताना दिसत आहे.

साक्षीने शेअर केलेला हा व्हिडीओ सध्या व्हायरल होत आहे. “माझी भाची आमची कनक हिला जिजामाता व्हायचंय, कित्ती कौतुक करावं ग तुझं”, असे कॅप्शन तिने या व्हिडीओला दिले आहे.

आणखी वाचा : मोठा स्विमिंगपूल, बेडरुमबाहेर निसर्गाचा नजारा अन्…; प्राजक्ता माळीच्या अलिशान फार्महाऊसचे फोटो पाहिलेत का?

दरम्यान ए.ए.फिल्म्स आणि एव्हरेस्ट एंटरटेनमेंटची प्रस्तुती असलेल्या ‘सुभेदार’ चित्रपटाची निर्मिती राजवारसा प्रोडक्शन, मुळाक्षर प्रोडक्शन, पृथ्वीराज प्रोडक्शन, राजाऊ प्रोडक्शन, परंपरा प्रोडक्शन यांनी केली आहे. या चित्रपटात अभिनेता चिन्मय मांडलेकर हा छत्रपती शिवाजी महाराजांच्या भूमिकेत दिसत आहे. तर अभिनेत्री मृणाल कुलकर्णी या राजमाता जिजाऊंच्या भूमिकेत पाहायला मिळत आहे.