बहुआयामी व अभ्यासू अभिनेत्री म्हणून ओळखली जाणारी कलाकार म्हणजे मुक्ता बर्वे. मुक्ताच्या सहसुंदर व नैसर्गिक अभिनयाचा एक वेगळा आणि मोठा चाहता वर्ग आहे. वैविध्यपूर्ण, आव्हानात्मक भूमिका साकारून मुक्ताने प्रेक्षकांच्या मनात एक वेगळं स्थान निर्माण केलं आहे. अशी महाराष्ट्राची लाडकी मुक्ता अवघ्या चार वर्षांची असताना एका लोकप्रिय चित्रपटात झळकली होती. एवढंच नाहीतर ती या चित्रपटात प्रसिद्ध दिवंगत अभिनेते लक्ष्मीकांत बेर्डेंबरोबर जबरदस्त नाचली होती.

अभिनेत्री मुक्ता बर्वे नुकतीच ‘राजश्री मराठी’च्या ‘तिची गोष्ट’ या कार्यक्रमात सहभागी झाली होती. यावेळी मुक्ताने तो किस्सा सांगितला. अभिनेत्री म्हणाली, “माझा भाऊ उत्तम अभिनेता आहे. त्याने ‘खट्याळ सासू नाठाळ सून’ या चित्रपटात बालकलाकारचं काम केलं होतं. तेव्हा लहान मुलांचं शूटिंग मे महिन्यात असायचं. तर आई मला तिच्याबरोबर दादाच्या शूटिंगला घेऊन गेली होती. मी अवघ्या चार वर्षांची होते; पहिलीत जाणार होते. त्या चित्रपटाच्या गाण्याचं शूटिंग सुरू होतं आणि आई मला एका ठिकाणी घेऊन उभी होती. लक्ष्मीकांत बेर्डे सर, नितीश भारद्वाज, वर्षा उसगावकर, दया डोंगरे, स्मिता तळवलकर, दादा, मोहन जोशी सर असे सगळे गाण्याच्या सिक्वेंसमध्ये होते. आई बाजूला बसली होती, मी शूटिंग बघत उभी होते. जसं गाणं सुरू झालं तसं मी उभं राहून नाचू लागले. तर तेव्हा शॉर्ट कट झाला. कारण मी नाचत नाचत शूटिंग सुरू असलेल्या ठिकाणी गेले होते.”

Viral Video Watch Farmer Helps Woman Who Had Her Skirt Ripped At Bus Stop Video will win your heart
बापमाणूस! बस स्टॉपवर फाटला तरुणीचा स्कर्ट; मदतीसाठी ‘त्यानं’ पुढे केला हात, पाहा हृदयस्पर्शी VIDEO
mukta barve dances on naach ga ghuma trending marathi song
Video : सातासमुद्रापार ‘नाच गं घुमा’! मुक्ता बर्वेचा परदेशात जबरदस्त डान्स, व्हिडीओवर कमेंट्सचा पाऊस
Woman Strips At Petrol Pump video viral
पेट्रोल पंपावर तरुणीचे लज्जास्पद कृत्य; कर्मचाऱ्यासमोर पँट काढली अन्…; Video व्हायरल
UP 10th Standard Topper Girl Prachi Nigam Facial Hair Controversy
अगं प्राची, दहावी बोर्डात पहिली आलीस पण चेहऱ्यावरचे केस काढता आले नाही? नक्की लाज कुणी सोडलीये?
aishwarya narkar answer to netizen who troll avinash narkar dance
Video: अविनाश नारकरांचा नेटकऱ्यांना खटकला डान्स, ऐश्वर्या नारकर स्पष्टच म्हणाल्या, “तो…”
mukta barve dance on naach ga ghuma movie song
Video : घुमा नाचते हो…! ‘न्यूयॉर्क टाइम्स स्क्वेअर’जवळ मुक्ता बर्वेचा मराठमोळा अंदाज, केला जबरदस्त डान्स
Shriya Pilgaonkar reacts on fake news of being adopted by parents supriya sachin Pilgaonkar hrc 97
श्रिया सुप्रिया व सचिन पिळगांवकरांची दत्तक मुलगी आहे? स्वतः उत्तर देत म्हणाली, “माझं जन्म प्रमाणपत्र…”
sonali khare clarifies age difference between husband and her
“आमच्यात २७ वर्षांचं अंतर नाही”, सोनाली खरेने थेट सांगितली नवऱ्यासह तिची जन्मतारीख; म्हणाली, “बायका त्यांचं वय…”

हेही वाचा – ‘सुख म्हणजे नक्की काय असतं’ फेम अभिनेत्याने आपल्या लाडक्या मुलीचं ठेवलं ‘हे’ नाव, श्रीकृष्णाशी आहे संबंध

“आई घाबरली की, आपल्यामुळे थांबलं. कारण आपल्याला काही माहिती नसतं, हे क्षेत्र नवीन होतं. दादासाठी आम्ही तिथे गेलो होतो. अण्णासाहेब देऊळगांवकर नावाचे खूप मोठे दिग्दर्शक. पूर्वीच्या मराठी सिनेमात त्यांनी भयंकर काम केलंय. ते म्हणाले, कट…कट. ती छोटी मुलगी निनादची बहीण आहे ना? मास्टर निनाद असं दादाचं सिनेमातलं नाव होतं. त्याला देबू म्हणतात. तर आई म्हणाली, “हो. सॉरी, सॉरी. अण्णासाहेब सॉरी.” मग ते म्हणाले, “नाही नाही. ती खूप चांगली नाचतेय. तिच्याकडे काही कपडे आहेत का?” आई म्हणाली, “हो हॉटेलवर आहेत.” ते म्हणाले, “जा कपडे घेऊन या.” मग आई आणि स्मिताताई तळवलकर युनिटची गाडी घेऊन हॉटेलवर गेल्या. कोल्हापूरमध्ये शूटिंग सुरू होतं. चित्रपटात जे कपडे घातलेत. ते दादाच्या मुंजीतले कपडे आहेत. झब्बा, कुर्ता आणि जॅकेट हे दादाचे कपडे मला घालून आणलं. त्या गाण्यात मी आहे आणि पहिल्यांदा मी सिनेमात नाचलीये,” असं मुक्ता म्हणाली.

हेही वाचा – ‘भाई’ चित्रपटाच्या शूटिंग दरम्यान आला हृदयविकाराचा झटका अन्…; सागर देशमुखने सांगितला ‘तो’ गंभीर प्रसंग, म्हणाला…

दरम्यान, मुक्ताच्या आगामी कामाबद्दल बोलायचं झालं तर, परेश मोकाशी दिग्दर्शित ‘नाच गं घुमा’ या चित्रपटात ती झळकणार आहे. या चित्रपटात मुक्तासह नम्रता संभेराव, सारंग साठ्ये, मायरा वायकुळ, सुकन्या मोने, सुप्रिया पाठारे, आशा ज्ञाते पाहायला मिळणार आहेत. हा चित्रपट येत्या १ मे रोजी प्रेक्षकांच्या भेटीस येणार आहे.