देशभरात सध्या #MeToo चं वादळ घोंघावत आहेत आणि या मोहिमेअंतर्गत कलाविश्वातील बरीच मोठी नावं समोर आली. त्यामुळे कलाविश्वासोबतच अन्य क्षेत्रातही एकच खळबळ उडाल्याचं पाहायला मिळत आहे. आतापर्यंत याविषयी अनेक दिग्गजांनी त्यांच्या प्रतिक्रिया नोंदविल्या आहेत. यातच आता 'सिंटा'चे सरचिटणीस सुशांत सिंगनेदेखील त्यांच मत मांडलं आहे. 'कलाविश्वामध्ये #MeToo मुळे एका नव्या पर्वाची सुरुवात झाली आहे. अनेक महिला त्यांच्यावर झालेल्या अन्यायाविषयी स्पष्टपणे बोलत आहेत. विशेष म्हणजे या मोहिमेमुळे आता पितृसत्ता संस्कृतीला धक्का बसल्याचं दिसून येत आहे. महिलांनी पुकारलेली ही लढाई पुढे आणखी कठीण होणार आहे', असं सुशांत सिंग म्हणाला. मर्द होना यूँ भी होता है मुझे न पता था हर दिन मैं रोता हूँ हर रात सुबकता हूँ मुझे माफ़ कर दो मुझे माफ़ कर दो मुझे माफ़ कर दो मुझे माफ़ कर दो #metoo #metooindia — sushant singh (@sushant_says) October 22, 2018 पुढे तो असंही म्हणाला, 'कलाविश्वाप्रमाणेच अन्य क्षेत्रातील पुरुषांवरही महिलांनी लैंगिक अत्याचाराचे आरोप केले आहेत. परंतु आपल्या येथे कायम पितृसत्ता चालत आलली आहे. त्यामुळे आरोप झालेल्या व्यक्तीही त्यांच्यावरील आरोप मान्य करण्यास तयार नाही. याच कारणामुळे हा वाद आणखी वाढणार आहे. # MeToo ही खरचं धक्का देणारी मोहिम आहे. या मोहिमेमुळे अनेकांची खरी रुप समोर आली आहेत'. दरम्यान, नाना पाटेकर- तनुश्री दत्ता यांच्या वादानंतर सुरु झालेल्या #MeToo मोहिमेअंतर्गत अनेक दिग्गज कलाकारांची नावं समोर आली आहेत. यात विकास बहल, साजिद खान, अनु मलिक, अनिर्बान ब्लाह, आलोक नाथ, चेतन भगत, गुरसिमरन खंबा, साजिद खान यासारख्या कलाकारांवर आरोप करण्यात आले आहेत.
