दाक्षिणात्य अभिनेत्री पूजा हेगडे हिचं इन्स्टाग्राम अकाउंट काही अज्ञान हॅकर्सनी हॅक केलं होतं. अकाउंट हॅक झाल्याचं लक्षात येताच पूजाने आपल्या टेक्निकल टीमशी संपर्क साधला. थोड्याच वेळात त्यांनी तिचं अकाउंट पूर्ववत करुन दिलं. पूजाने बुधवारी रात्री साडे बारा वाजता ट्विट करुन ही माहिती आपल्या चाहत्यांना दिली. Hi guys, so I’ve been informed by my team that my insta account has been hacked and my digital team is helping me with it. Please do not accept any invitations or pass out any personal information out to the person asking. Thank you. — Pooja Hegde (@hegdepooja) May 27, 2020 "मित्रांनो, माझं इन्स्टाग्राम अकाउंट हॅक झालं आहे. माझी डिजीटल टीम हे अकाउंट पूर्ववत करण्यासाठी माझी मदत करत आहे. दरम्यान तुम्ही माझ्या अकाउंटवरुन आलेलं कुठल्या प्रकारचं आमंत्रण स्विकारु नका. तसेच स्वत:ची वैयक्तिक माहिती देखील देऊ नका." अशा आशयाचे ट्विट पूजा केले होते. Spent the last hour stressing about the safety of my Instagram account. Thanking my technical team for instant help at this hour. Finally, got my hands back on my Instagram Any message, follow back or post in d past hour from my account has been done will be undone. Ty. — Pooja Hegde (@hegdepooja) May 27, 2020 त्यानंतर तिने आणखी एक ट्विट करुन अकाउंट पूर्ववत झाल्याची माहिती दिली. "गेल्या तासभरापासून मी चिंतेत होते. परंतु टेक्निकल टीममुळे माझी काळजी मिटली आहे. अखेर माझं इन्स्टाग्राम अकाउंट पूर्ववत झालं. गेल्या तासभरात या अकाउंटवरुन जे काही पोस्ट करण्यात आलं, ते सर्व मी डिलीट केलं आहे." अशा आशयाचं ट्विट पूजाने केलं. गेल्या काही काळात हॅकिंगच्या घटना मोठ्या प्रमाणावर वाढल्या आहेत. अलिकडेच अमेरिकेत एक सायबर अटॅक करण्यात आला होता. यामध्ये प्रियांका चोप्रासह अनेक मोठ्या हॉलिवूड कलाकारांचे अकाउंट हॅक केले गेले होते.
