आधीच 'पद्मावती' चित्रपटामागचे वाद संपत नाही आहेत. त्यात आता चित्रपटात अल्लाउद्दीन खिल्जीची भूमिका साकारणारा रणवीर सिंग त्याच्या ट्विटमुळे ट्रोल झाला आहे. रणवीरने काल त्याच्या अधिकृत ट्विटर अकाऊंटवरून स्वतःच्या फोटोसह 'लूजिंग माय रिलिजन' असे ट्विट केले होते. त्याच्या या ट्विटचा नक्की काय अर्थ लावायचा या नादात नेटिझन्सनी त्याला ट्रोल करण्यास सुरुवात केली. Padmavati Song : पद्मावती- महारावल रतन सिंहमधील प्रेम दर्शवणारे 'एक दिल एक जान' गाणे रणवीर हे सर्वकाही वाद ओढावून घेण्यासाठी आणि चर्चेत राहण्यासाठी करतोय असे काही नेटिझन्सनी म्हटले. तसेच, स्वतःच्या धर्मावरून असे ट्विट करण्यासाठी काहीजणांनी त्याला फटकारलेदेखील. तर, रणवीरच्या काही चाहत्यांनी त्याच्या पाठीशी ठामपणे उभे राहत चित्रपटाभोवती असलेल्या वादांना कंटाळूनच त्याने असे ट्विट केल्याचे लिहिलं. Video : छोट्या रणबीर-करिनाचा हा व्हिडिओ पाहून तुम्हीही म्हणाल 'सो क्यूट' या ट्विटबाबत अनेक तर्कवितर्क लावले जात आहेत. पण, रणवीरने केलेले ट्विट हे आंतरराष्ट्रीय म्युझिक बॅण्ड 'आरईएम'च्या प्रसिद्ध गाण्याचे बोल आहेत. या गाण्याला ग्रॅमी पुरस्कारानेही सन्मानित करण्यात आले होते. आपल्या आजूबाजूच्या परिस्थितीमुळे चिंतीत होणे असा या गाण्याचा अर्थ आहे. मात्र, रणवीरने त्याच्या ट्विटमध्ये ते गाणे आहे असा उल्लेख केलेला नाही. त्यामुळेच त्याला ट्रोल केले जात आहे. मुस्लिम या ईसाई मै धर्मान्तरण कोई नही बात नही लालच और डर दो ही इसके कारण है । Movie promotion के लिए कोई जवानो को गाली देता है कोई हिन्दूओ को आतंकवादी कहता है आप तो एक कदम आगे है — nitish(@ni30y) November 10, 2017 दरम्यान, काल सर्वोच्च न्यायालयाने 'पद्मावती'च्या टीमला काहीसा दिलासा दिला. ‘पद्मावती’ या चित्रपटाच्या प्रदर्शनास स्थगिती देण्याची मागणी सर्वोच्च न्यायालयाने शुक्रवारी फेटाळली. सेन्सॉर बोर्डाने या चित्रपटास प्रदर्शन-योग्यतेचे प्रमाणपत्र दिले असल्याने याबाबत हस्तक्षेप करणार नाही, अशी भूमिका न्यायालयाने घेतली. सिद्धराजसिंह एम. चुडासमा व इतर अकरा जणांनी या चित्रपटातील कथेची सत्यता तपासण्यासाठी व त्यात राणी पद्मावतीच्या शब्दचित्रात काही चुका असल्यास त्या शोधण्यासाठी समिती नेमण्यासाठी याचिका दाखल केली होती. या चित्रपटात अनेक चुका असून त्या दुरुस्त केल्या जाईपर्यंत या चित्रपटाच्या प्रदर्शनास स्थगिती देण्याची मागणी याचिकेत होती.
