सोनी मराठी वाहिनी नवनवीन मालिकांमधून प्रेक्षकांचं मनोरंजन करण्यासाठी नेहमीच सज्ज असते. अभिनेत्री सायली देवधर हिची मुख्य भूमिका असलेली 'वैदेही' - शतजन्माचे आपुले नाते, ही नवी मालिका 16 ऑगस्टपासून प्रेक्षकांच्या भेटीला येणार आहे. मालिकेचा प्रोमो पाहून चाहत्यांमध्ये मालिकेबाबत उत्सुकता पाहायला मिळते. देव दिखाव्याला नाही श्रद्धेला पावतो, असं सांगणार्या या मालिकेत वैदेही ही रामाची निस्सीम भक्त आहे. तिच्या चांगल्या स्वभावामुळे ती दुसऱ्यांना नेहमी मदत करत असते. सालस आणि समंजस स्वभावाची वैदेही आपल्या कुटुंबासाठी, आपल्या बहिणींसाठी नेहमी खंबीर उभी आहे आणि आपल्या कुटुंबाची जबाबदारी संभाळतेय. View this post on Instagram A post shared by Sony मराठी (@sonymarathi) 'वैदेही' या मालिकेत अभिनेत्री सायली देवधरसोबत अभिनेत्री पल्लवी अजय पाटील आणि तृष्णा चंद्रात्रे यासुद्धा दिसणार आहेत. मालिकेचा प्रोमो पाहता चाहत्यांमध्ये उत्सुकता शिगेला पोहोचली आहे. मालिका कधी सुरु होणार याकडे त्यांचे लक्ष लागले आहे.