ऐश्वर्याच्या मॅनेजरच्या जीवावर बेतली असती दिवाळी, शाहरुखने वाचवले प्राण

‘जलसा’च्या अंगणात ऐश्वर्याची मॅनेजर अर्चना तिच्या मुलीसोबत असताना हा अपघात घडला. रात्रीचे तीन वाजले होते. त्यामुळे फार कमी पाहुणे उपस्थित होते. अंगणात ठेवलेल्या पणतीमुळे अर्चनाच्या लेहंग्याला आग लागली. हे पाहताच क्षणी शाहरुखने त्वरित त्याचं जॅकेट काढून आग विझवण्याचा प्रयत्न केला.

या दुर्घटनेत अर्चना यांचे हात व पाय १५ टक्के भाजले. तर किंग खानलाही थोडी दुखापत झाली. अर्चना यांच्यावर सध्या उपचार सुरु आहेत. तर शाहरुखच्या प्रसंगावधानाचे सोशल मीडियावर कौतुक होत आहे.