ठराविक धाटणीच्या भूमिकांव्यतिरिक्त चित्रपटामध्ये एखादी नवीन आणि वेगळी भूमिका साकारणे आव्हानात्मक असते. परंतु आपल्या नवीन चित्रपटात श्रेयस तळपदेने चौकटीबाहेरची भूमिका साकारत हे आव्हान स्वीकारलं आहे.
नुकताच श्रेयसचा ‘सेटर्स’ हा चित्रपट प्रदर्शित झाला असून या चित्रपटात तो नकारात्मक भूमिकेत आहे. आजपर्यंतच्या हास्यात्मक भूमिकेतून प्रेक्षकांना हसवणाऱ्या श्रेयसने पहिल्यांदाच ही भूमिका साकारून आपल्या मर्यादा ओलांडल्या आहेत. आपल्या अभिनय करिअरमध्ये पहिल्यांदा नकारात्मक भूमिकेसाठी त्याने अथक प्रयत्न केल्याचे या चित्रपटातून दिसून येत आहे.
नागेश कुकुनूरच्या २००५ मधील इकबाल या चित्रपटामधून श्रेयसने हिंदी चित्रपटसृष्टीत पदार्पण केले. त्यावेळी हिंदी सिनेसृष्टीला त्याने आपल्या अभिनयाने पछाडले होते. अलिकडच्या वर्षांत श्रेयसने गोलमाल स्लॅपस्टिक सिरीजमध्ये दुय्यम तर कधी तृतिय़दर्शी भूमिका साकारल्या आहेत. नुकताच प्रदर्शित झालेल्या ‘सेटर्स’मध्ये श्रेयस अपूर्वची भूमिका साकारताना दिसत आहे आणि त्यात त्याने या भूमिकेसाठी घेतलेली मेहनत दिसत आहे.
श्रेयसच्या आजपर्यंतच्या चित्रपटांचा विचार करता त्याने साकारलेल्या प्रत्येक पात्राला त्याने न्याय दिला आहे. प्रत्येकवेळी त्याची गुणवत्ता त्याने सिध्द केली आहे. इकबालमधील श्रेयसच्या मूक पात्राने प्रेक्षकांना आत्मप्रेरक करत आश्चर्यचकित केले. ‘सेटर्स’मधून श्रेयसने आपल्या अभिनयाच्या पातळीला उंचावले आहे. त्यामुळे ‘सेटर्स’मधील त्याची ही वेगळी भूमिका पाहण्यासाठी प्रेक्षकही उत्सुक आहेत.
