देशातील राजकीय आणि सामाजिक घटनांवर बेधडक भूमिका मांडणाऱ्या प्रसिद्ध तमिळ गायिका चिन्मयी श्रीप्पदा यांनी एका स्विगी कर्मचाऱ्यावर सोशल मीडियाव्दारे जोरदार टीका केली आहे. स्विगी कंपनीसाठी काम करणाऱ्या या व्यक्तिने महिलांच्या कपड्यांबाबत वादग्रस्त ट्विट केले होते. या ट्विटचा समाचार घेत चिन्मयीने त्याच्यावर शाब्दिक हल्ला चढवला आहे. स्विगी कंपनीत डिलिव्हरी बॉयचे काम करणाऱ्या या व्यक्तिने काही दिवसांपूर्वी महिलांच्या तोकड्या कपड्यांबाबत एक ट्विट केले होते. "कल्पना करा तुम्ही एक डिलिव्हरी बॉय आहात. एखाद्या वस्तुची डिलिव्हरी करण्यासाठी तुम्ही कोणाच्या तरी घरी गेलात. आणि तेथे तुम्हाला घरातील महिला तोकड्या कपड्यांमध्ये दिसली, तर तुम्ही काय कराल?" असे ट्विट या व्यक्तिने केले होते. या ट्विटवर प्रतिक्रिया देताना चिन्मयीने त्याचा चांगलाच समाचार घेतला आहे. A delivery person seeing a man “showing off his private part in his own house” is still a crime. The pathetic problem is how this man justifies a swiggy delivery man advising a woman to wear a Dupatta is ‘decent’ and asks the ‘aunty’ to be grateful he was decent. pic.twitter.com/mln6ZG2JKP — Chinmayi Sripaada (@Chinmayi) November 24, 2019 The kinda responses for the tweet on a woman wearing a shawl - if you understand/ read Tamizh, should give you an idea of how things are around here. Some believe a woman not wearing a Dupatta = nudity and invitation to rape. Of course Twitter doesnt find this tweet abusive :) pic.twitter.com/CU0tsjEwz4 — Chinmayi Sripaada (@Chinmayi) November 24, 2019 "एखादा व्यक्ति स्वत:च्या घरात वाट्टेल त्या अवतारात राहू शकतो. तुमचे काम केवळ वस्तुची डिलिव्हरी करणे आहे. महिलांनी कुठले कपडे घालावे व कुठले नाही हे सांगणे नाही." असे सडेतोड उत्तर चिन्मयीने दिले. तिच्या या ट्विटला सोशल मीडियावर चांगलीच प्रसिद्धी मिळत आहे. तिच्या मताशी सहमत असलेल्या नेटकऱ्यांनी तिची स्तुती केली तर काही जणांनी तिच्यावर टीका देखील केली आहे.
