पॉर्नपटांना अलविदा करत बॉलिवूडमध्ये कमी काळात जम बसविलेली अभिनेत्री म्हणजे सनी लिओनी. सौंदर्य आणि नृत्यकौशल्याच्या बळावर तिने हिंदी चित्रपटसृष्टीमध्ये स्वत:ची वेगळी ओळख निर्माण केली आहे. सनीचा चाहता वर्गदेखील प्रचंड मोठा आहे. आता सनी तिचा जलवा नेपाळी चित्रपटामध्ये ही दाखवणार आहे. सनीने तिच्या ट्विटर अकाऊंटवर एक ट्विट केले आहे. या ट्विटमध्ये सनीने ती 'पासवर्ड' या नेपाळी चित्रपटातील एका गाण्यात झळकणार असल्याचे सांगितले आहे. दरम्यान हा चित्रपट जगभरात १३ सप्टेंबर रोजी प्रदर्शित होणार आहे. तिने ट्विटमध्ये 'एबीइंटरनॅशनल८' आणि 'अमितबस्नेट' यांचे आभार मानले आहेत. सनी लवकरच ‘कोका कोला’ चित्रपटात झळकणार आहे. हा चित्रपट उत्तर प्रदेशमध्ये घडलेल्या एका घटनेवर आधारित आहे. तसेच चित्रपटाची निर्मिती महेंद्र धारीवाला करत आहेत. काही दिवसांपूर्वी सनीचा या चित्रपटाच्या चित्रीकरणा दरम्यानचा डी-ग्लॅम लूकमधील फोटो सोशल मीडियावर व्हायरल झाला होता. या चित्रपटात सनी लिओनीसह गेल्या दीड वर्षांपासून रुपेरी पडद्याहून लांब असणारी, बिग बॉस फेम अभिनेत्री मंदाना करीमी देखील झळकणार आहे. या चित्रपटाच्या प्रदर्शनाची तारिख अद्याप ठरलेली नाही. परंतु चाहते चित्रपटासाठी फार उत्सुक असल्याचे दिसत आहे. Hey everyone!! I am so excited for my first Nepali song in the movie #Password!! Releasing on 13th September worldwide!! Check it out here: Thank you @ABInternationa8 and @AmitBasnett pic.twitter.com/FmqcAMCDgu — Sunny Leone (@SunnyLeone) August 6, 2019 सध्या सनी मल्याळम चित्रपट ‘रंगीला’च्या चित्रीकरणात व्यग्र आहे. तसेच या चित्रपटातून सनी मल्याळम चित्रपट सृष्टीमध्ये पदार्पण करणार आहे.
