अभिनेत्री सुष्मिता सेन तिच्यापेक्षा वयाने लहान असलेल्या मॉडेल रोहमन शॉलला डेट करत असल्याची चर्चा गेल्या कित्येक दिवसांपासून कलाविश्वामध्ये सुरु आहे. त्यातच आता सुष्मिताने रोहमनसोबत साखरपुडा केल्याची नवीन चर्चा चाहत्यांमध्ये रंगली आहे. सुष्मिताने इन्स्टाग्रामवर शेअर केलेल्या फोटोवरुन तिने खरंच रोहमनसोबत साखरपुडा केल्याचं दिसून येत आहे. सुष्मिताने इन्स्टाग्रामवर रोहमनसोबतचा एक फोटो शेअर केला असून या फोटोमध्ये तिच्या बोटात एक अंगठी दिसत आहे. या फोटोला सुष्मिताने खास शब्दांत कॅप्शन दिल्यामुळे या दोघांनी साखरपुडा केल्याच्या चर्चांना उधाण आलं आहे. "नात्यामध्ये अटी घालणं हा आपल्या सवयीचा भाग आहे. मात्र कोणत्याही अटीशिवाय प्रेम करणं खूप अवघड असतं.आपली बुद्धी कायम आपल्या मनावर कुरघोडी करत असते. त्यामुळे मनाचं ऐकणं आपल्याला कठीण जातं. आपली बुद्धी कायम आपल्याला नात्यांमध्ये अट घालायला शिकवते,तर मन कायम एखाद्यावर विश्वास ठेवायला शकतं. त्यामुळे अशावेळी प्रेम एखाद्या बोनससारखं वाटायला लागतं. मैत्री,प्रेम, सन्मान, विश्वास, सोबत आणि मनाचं हाक ऐकण्यासाठी मी बिनशर्त तुझी आहे रोहमन", असं कॅप्शन सुष्मिताने या फोटोला दिलं आहे. View this post on Instagram To love someone unconditionally is considered difficult only cause we are conditioned to conditioning choosing to follow the heart is always more challenging for the mind is louder.yet, while conditions live in the mind, convictions are born to the heart!!! Love then is simply a bonus!!! To #friendship #love #grace #convictions #togetherness & to following the heart!!! Unconditionally Yours @rohmanshawl I love you guys A post shared by Sushmita Sen (@sushmitasen47) on Apr 26, 2019 at 11:02am PDT सुष्मिता आणि रोहमनची एका फॅशन इव्हेंटदरम्यान या भेट झाली होती. रोहमन सध्या तिच्या दोन मुलींसोबतही वेळ घालवत आहेत. जर साऱ्या गोष्टी जुळून आल्या तर नक्कीच सुष्मिता नव्या आयुष्याला सुरूवात करेल अशी आशाही तिच्या जवळच्या व्यक्तीनं व्यक्त केली. यापूर्वी सुष्मिता हॉटेल क्षेत्रातील उद्योग सम्राट रितिक भसिनला डेट करत होती, मात्र सुष्मिता रितिकचं नातं फार काळ टिकू शकलं नाही.
