छोट्या पडद्यावरील अतिशय लोकप्रिय मालिका म्हणजे 'तारक मेहता का उल्टा चष्मा.' गेली १३ वर्षे ही मालिका प्रेक्षकांचे मनोरंजन करत आहे. या मालिकेतील प्रत्येक पात्राने प्रेक्षकांच्या मनात घर केले आहे. मालिकेत रोशन सिंह सोढी यांची भूमिका अभिनेते गुरुचरण सिंह सोढी यांनी साकारली होती. त्यांनी एका लाइव्हमध्ये जुन्या आठवणींवा उजाळा दिला आहे. दरम्यान त्यांनी त्यांच्या आयुष्यातील सर्वात कठीण काळाविषयी देखील सांगितले आहे. गुरुचरण सिंग सोढी आता 'तारक मेहता का उल्टा चष्मा' मालिकेत दिसल नसले तरी प्रेक्षकांमध्ये ते रोशन सोढी म्हणून लोकप्रिय आहेत. जेव्हा ते मालिकेत काम करत होते तेव्हा प्रेक्षकांना त्यांच्या भूमिका प्रचंड आवडत होती. गुरुचरण सिंह सोढी यांनी त्यांच्या आयुष्यातील कठीण काळाविषयी बोलताना म्हटले की ते कर्जाच्या ओझ्याखाली होते. त्यानंतर त्यांनी मुंबईत येण्याचा निर्णय घेतला. एका लाइव्ह व्हिडीओमध्ये गुरुचरण यांनी सांगितले की जेव्हा ते कर्जाच्या ओझ्याखाली होते तेव्हा मुंबईत आले. अनेकजण त्यांच्याकडे पैसे मागण्यासाठी येत असत. सर्वांनी त्यांना मदत करण्यास नकार दिला होता. तेव्हा ते मुंबईत आले आणि तारक मेहता का उल्टा चष्मा मालिकेत काम करण्याची संधी मिळाली. या मालिकेत काम करत त्यांनी सर्व कर्ज फिटवले. २०१३मध्ये त्यांनी मालिका सोडली होती. पण चाहत्यांच्या मागणीनंतर त्यांनी २०१४पासून पुन्हा शोमध्ये काम करण्यास सुरुवात केली. पण सहा वर्षे काम केल्यानंतर त्यांनी पुन्हा मालिका सोडली. आता मालिकेत बलविंदर सिंह सूरी हे रोशन सोढीची भूमिका साकारताना दिसत आहेत.