तामिळ कलाविश्वातील प्रसिद्ध अभिनेते शशीकुमार यांनी गळफास घेऊन आत्महत्या केली आहे. तामिळनाडूमधील जोलारपेट्टाई रेल्वे स्थानकाजवळील झाडाला लटकलेल्या अवस्थेत त्यांचा मृतदेह आढळला. शशीकुमार यांच्या आत्महत्येचे कारण अद्याप अस्पष्ट असून तामिळ कलाविश्वावर शोककळा पसरली आहे. 'टाइम्स ऑफ इंडिया'ने दिलेल्या वृत्तानुसार, स्थानिकांनी शशीकुमार यांचा मृतदेह स्थानिकांनी पाहिल्यानंतर पोलिसांना कळवण्यात आलं. पोलिसांनी शशीकुमार यांच्या पत्नीला बोलावून घटनेबाबत सांगितलं. शशीकुमार यांची पत्नी राघवी यांनी मृतदेहाची ओळख पटवल्यानंतर शवविच्छेदनासाठी मृतदेह पाठवण्यात आला. कर्जबाजारीपणामुळे शशीकुमार गेल्या काही दिवसांपासून चिंतेत असल्याचं म्हटलं जात आहे. या कारणामुळेच त्यांनी आत्महत्या केली का याचा तपास करत असल्याची माहिती पोलिसांनी दिली. शशीकुमार यांनी बऱ्याच तामिळ मालिकांमध्ये काम केलं आहे. त्यांची पत्नीसुद्धा छोट्या पडद्यावरील अभिनेत्री आहे.
