scorecardresearch

Premium

“कुणाचा पुतण्या आधी मुख्यमंत्री होणार, बाळासाहेब ठाकरेंचा की शरद पवारांचा?” राज ठाकरेंनी दिलं भन्नाट उत्तर, म्हणाले…

अवधूतने विचारलेल्या प्रश्नाचं उत्तर देताना राज ठाकरे यांनी एक वेगळाच किस्सा सांगितला

raj-thackeray-khupte-tithe-gupte
फोटो : सोशल मीडिया

टेलिव्हिजनवर लोकप्रिय ठरलेला ‘खुपते तिथे गुप्ते’ हा मराठी टॉक शो पुन्हा सुरू होत आहे. या कार्यक्रमाचे तिसरे पर्व प्रेक्षकांच्या भेटीला आले आहे. या कार्यक्रमाबाबत प्रेक्षकांमध्ये बरीच उत्सुकता होती, शिवात प्रेक्षक अत्यंत आवडीने हा कार्यक्रम बघायचे. नेहमीप्रमाणेच संगीतकार आणि गायक अवधूत गुप्ते ‘खुपते तिथे गुप्ते ३’ या कार्यक्रमाचे सूत्रसंचालन करणार असून शोमध्ये हजेरी लावणाऱ्या पाहुण्यांना तो बोलतं करताना दिसणार आहेत.

‘खुपते तिथे गुप्ते’ कार्यक्रमाच्या पहिल्याच भागात मनसे अध्यक्ष राज ठाकरे यांनी हजेरी लावली. स्वतःला आणि इतरांना खुपणाऱ्या गोष्टींवरही राज यांनी त्यांच्या खास शैलीत खरमरीत उत्तरं दिली. या कार्यक्रमाच्या रॅपिड फायर राऊंडदरम्यान अवधूतने विचारलेल्या एका प्रश्नाचं उत्तर देताना राज ठाकरे यांनी एक वेगळाच किस्सा सांगितला. “कोणाचा पुतण्या आधी मुख्यमंत्री होणार? बाळासाहेब ठाकरेंचा कि शरद पवारांचा?” या प्रश्नाचं उत्तर देतान राज यांनी एक जुनी आठवण सांगितली.

thackeray group organizes hou de charcha event in kalyan dombivali
कल्याण-डोंबिवलीत ‘होऊ द्या चर्चां’च्या चौक सभा; शिवसेना ‘उबाठा’तर्फे आयोजन
Rishi Sunak and Akshata Murthy
ब्रिटनचे पंतप्रधान ऋषी सुनक यांच्या पत्नी अक्षता मूर्ती यांचा G20 मधून परतताच मोठा निर्णय, ऐकून बसेल आश्चर्याचा धक्का
The employee boarded the truck to collect the toll from the truck driver
ट्रक चालकाकडून टोलचे पैसे घेण्यासाठी कर्मचारी चढला चालत्या ट्रकवर; Video पाहून हसू आवरणार नाही…
aditya thackeray letter to bmc commissioner demand to disposed accumulated waste in city
मुंबईत साचलेल्या कचऱ्याच्या ढिगांची विल्हेवाट लावावी; आदित्य ठाकरे यांचे मुंबई महानगरपालिका आयुक्तांना पत्र

आणखी वाचा : ‘खुपते तिथे गुप्ते’च्या मंचावर वॉशिंग पावडरचे पाकीट पाहताच राज ठाकरेंना आठवला सत्ताधारी पक्ष; म्हणाले “हे दिल्लीला…”

राज म्हणाले, “सत्तेपेक्षा काय महत्त्वाचं आहे याची मी एक जुनी आठवण सांगतो, मी त्यावेळी लहान होतो आणि माननीय बाळासाहेब यांचे माने नावाचे गाडी चालक होते, ते एकेदिवशी आले नव्हते. त्यामुळे बाळासाहेबांनी बाहेर जाण्यासाठी टॅक्सी बोलावली होती. टॅक्सी गेटवर असतानाच त्यावेळचे महापौर सुधीरभाऊ जोशी आले, त्यावेळी महापौरांची एम्पाला कार होती अन् त्यावर लाल दिवादेखील होता. ते बाळासाहेबांना कामानिमित्त भेटायला आले होते. काम झाल्यावर जेव्हा दोघेही बाहेर पडले तेव्हा सुधीर जोशी यांनी बाळासाहेबांना दादरच्या कार्यालयात सोडण्यासाठी विचारणा केली. पण ती लाल दिव्याची गाडी असल्याने बाळासाहेब म्हणाले की मी टॅक्सीतच बरा आहे.”

पुढे राज ठाकरे म्हणाले, “मी बाळासाहेबांबरोबर टॅक्सीत बसलो. त्यावेळी आमच्या टॅक्सीच्या मागून महापौरांची गाडी येत होती. ज्या मुलाने लहानपणी लाल दिव्याची गाडी आपल्या मागून येत असताना पाहिली आहे, त्याला त्या गाडीत जाऊन बसायचा मोह कसा होईल? त्यामुळे मुख्यमंत्री या पदाकडे मी एक साधन म्हणून पाहतो.” राज ठाकरे यांच्या उत्तरावर लोकांनी टाळ्यांच्या स्वरूपात दाद दिली. अवधूत गुप्ते यांचा हा ‘खुपते तिथे गुप्ते’ कार्यक्रम ४ जूनपासून दर रविवारी रात्री ९ वाजता झी मराठी वाहिनीवर प्रसारित होणार आहे, याबरोबरच याचे सगळे भाग तुम्हाला ‘झी ५’ ओटीटी प्लॅटफॉर्मवरही पाहता येणार आहेत.

Latest Comment
View All Comments
Post Comment

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Balasaheb thackeray or sharad pawar whose nephew will become cm first raj thackeray gives smart answer avn

संबंधित बातम्या

तुम्ही या बातम्या वाचल्या आहेत का? ×