scorecardresearch

Premium

“पहिल्यांदा जखम पाहिली तेव्हा…”, लोकप्रिय अभिनेत्याच्या पत्नीची ब्रेस्ट कॅन्सरशी झुंज; म्हणाली, “माहेर अन् सासर…”

‘होणार सून मी ह्या घरची’ फेम अभिनेत्याच्या पत्नीला कर्करोगाचं निदान; पोस्ट शेअर करत म्हणाली…

rohan gujar wife snehal deshmukh diagnosed with breast cancer
लोकप्रिय अभिनेत्याच्या पत्नीला कर्करोगाचं निदान

‘होणार सून मी ह्या घरची’ या मालिकेत जान्हवीच्या भावाची म्हणजेच पिंट्याची भूमिका अभिनेता रोहन गुजरने साकारली होती. या मालिकेमुळे तो घराघरांत लोकप्रिय झाला. पुढे त्याने ‘बन पाव’, ‘लव्ह लग्न लोचा’ यांसारख्या मालिकांमध्ये काम केलं. सध्या रोहन सन मराठी वाहिनीवरीन ‘नवी जन्मेन मी…’ या मालिकेत मुख्य भूमिका साकारत आहे. अभिनेत्याने वैयक्तिक आयुष्यात त्याची अनेक वर्षांपासूनची मैत्रीण स्नेहल देशमुखबरोबर लग्नगाठ बांधली. रोहन व स्नेहल दोघेही सोशल मीडियावर प्रचंड सक्रिय असतात. सध्या स्नेहलच्या इन्स्टाग्राम पोस्टने सर्वांचं लक्ष वेधलं आहे.

रोहनची पत्नी स्नेहल देशमुख-गुजर गेल्या अनेक वर्षांपासून मार्केटिंग क्षेत्रात काम करते. अलीकडेच सोशल मीडिया पोस्ट शेअर करत स्नेहलने तिला कर्करोगाचं निदान झाल्याची माहिती दिली.

rang maza vegla fame actress reshma shinde visits shreya bugde new restaurant
‘रंग माझा वेगळा’ फेम अभिनेत्री पोहोचली श्रेया बुगडेच्या नव्या रेस्टॉरंटमध्ये, फोटो पोस्ट करत म्हणाली, “बऱ्याच दिवसांनंतर…”
Ankita lokhande mother reacted on Vicky jain party with girls
लेक घरी नसताना जावयाने गर्ल गँगसह केली पार्टी; अंकिता लोखंडेच्या आई म्हणाल्या, “विकीने त्या सर्वांना…”
Alyy Khan Kajol kissing scene
“माझा व काजोलचा किसिंग सीन मी पत्नी अन् मुलीबरोबर पाहिला”, अभिनेत्याचा खुलासा; त्यांची प्रतिक्रिया सांगत म्हणाला…
Mumbai Diamond Industry Surat Diamond Bourse
हिरे उद्योगातील प्रमुख किरण जेम्सचे पुन्हा मुंबईत स्थलांतर; कंपनीची मालकी, संस्थापक अन् आर्थिक कामगिरीबद्दल जाणून घ्या

हेही वाचा : “अक्कल पाजळण्यापेक्षा…”, नेटकऱ्याच्या कमेंटवर केतकी माटेगावकरचं स्पष्ट उत्तर, म्हणाली, “तुम्हाला…”

स्नेहल देशमुखची इन्स्टाग्राम पोस्ट

ऑगस्ट महिन्यात छातीत डाव्या बाजूला दुखणं सुरु झालं…हे दुखणं नवीन होतं…आधी कधीही अनुभवलं नव्हतं…पाठपुरावा करायचं ठरवलं आणि किचकट आजार surprise म्हणून समोर ठाकला…‘स्टेज झिरो कॅन्सर’ (Ductal carcinoma in situ)…कॅन्सरची आधीची स्टेज…

२ मॅमोग्राम, बायोप्सी, सोनोलोकोलायझेशन, ३ नोव्हेंबरला ब्रेस्ट कन्झर्वेशन (conservation) सर्जरी, आणि रेडिएशन अशा टप्प्यांतून उपचार सुरु आहेत…

ह्या आजाराने मला पूर्ण पकडण्याआधीच मी त्याला एक टप्पा आऊट करू शकले याचं समाधान आहे… मनाला आणि शरीराला गेल्या महिन्याभरात खूप सहन करावं लागलंय…अजूनही लागतंय… संपूर्ण प्रक्रियेत मेंटल, इमोशनल ब्रेक डाऊनचे अनेक प्रसंग येतात…मला डॉक्टरांनी सांगितलं तेव्हा आणि surgery नंतर पहिल्यांदा जखम पाहिली तेव्हा डोळ्यांना थांबवता नाही आलं…पण जखमांकडे, स्वतःच्या शरीराविषयी जागरूक असल्याची, या प्रसंगाला छान सामोरं गेल्याची खूण म्हणून पाहिलं की गोष्टी सोप्या होतात… त्या अजून सोप्या होतात जेव्हा तुमचं कुटुंब तुमच्यासोबत खंबीरपणे उभं राहतं…या बाबतीत माहेर आणि सासर दोन्ही कुटुंबांना १०० गुण…कोणताच ड्रामा नाही, साध्या सोप्या पद्धतीने आहे ते accept केलं आणि वातावरण पूर्णपणे नॅार्मल ठेवलं….

“मीच का? माझ्यासोबतच का?” असे प्रश्न कटाक्षाने टाळायला हवेत… सहानुभूतीचा मोह आवरायलाच हवा… तरच विचारांत धैर्य, भावनांत स्थैर्य येऊ शकतं…’दिसतं तेच वास्तव’ या पलीकडे जाऊन आयुष्याचा विचार सुरु झालाय…

या सगळ्या काळात जाणवलेली अजून एक गोष्ट म्हणजे या आजाराविषयी जीवघेणा आजार म्हणून जितकं अवडंबर माजवलं जातंय तेवढी जनजागृती नाही… अजूनही या विषयी सांगणं/ बोलणं आपण टाळतो… मुली/ महिला मॅमोग्राम करणं टाळतात, हे करणं का गरजेचं आहे त्या विषयीचा awareness कमी पडतोय… हा आजार अनुवंशिक ही असू शकतो हे मला या process मध्येच कळलं… पण त्या पलीकडेही हे बदलत्या जीवनपद्धतीचं, अवाजवी stress चं प्रतिबिंब आहे… हे विसरता काम नये…तणावापासून स्वतःला दूर ठेवणं ही तुम्ही स्वतःसाठी, आयुष्याप्रती दाखवलेली basic कृतज्ञता असेल…मीही अजून हे शिकतेचं आहे…

दसरा ते दिवाळी या १५ दिवसांत शरीरातून ही कॅन्सरची नकारात्मकता काढून टाकलेय… यंदा दिवाळीत योगायोगाने खूप दिवे गिफ्ट मिळाले… मी ते ‘तिमिरातून तेजाकडे’ याचं प्रतिक मानलेत… Radiation starts today

हेही वाचा : “एखाद्या स्त्रीला स्वत:चं मूल नसणं…”, ‘झिम्मा २’च्या कथेबद्दल हेमंत ढोमेने मांडलं मत, म्हणाला, “संवेदनशील विषय…”

दरम्यान, स्नेहल देशमुखच्या पोस्टवर नेटकऱ्यांसह सिनेविश्वातील अनेक कलाकारांनी कमेंट्स करत तिला काळजी घेण्याचा सल्ला दिला आहे. तसेच या सगळ्या कठीण प्रसंगात रोहन सुद्धा पत्नीला खंबीरपणे साथ देत असल्याचं पाहायला मिळत आहे.

Latest Comment
View All Comments
Post Comment

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Marathi actor rohan gujar wife snehal deshmukh diagnosed with breast cancer shares post sva 00

First published on: 04-12-2023 at 09:52 IST

संबंधित बातम्या

तुम्ही या बातम्या वाचल्या आहेत का? ×