Surbhi Jyoti-Sumit Suri Got Married: ‘नागिन’ फेम टीव्ही अभिनेत्री सुरभी ज्योतीने लग्नगाठ बांधली आहे. सुरभी तिचा बॉयफ्रेंड सुमित सुरीशी रविारी (२७ ऑक्टोबर रोजी) लग्न केलं. गेले काही दिवस या दोघांच्या लग्नाच्या सातत्याने चर्चा होत्या. अखेर दोघांचं लग्न निसर्गाच्या सानिध्यात पार पडलं. सुरभीने तिच्या लग्नातील काही फोटो शेअर केले आहेत.
सुरभी व सुमित बऱ्याच काळापासून रिलेशनशिपमध्ये होते. त्यांनी लग्न करण्याचा निर्णय घेतला. मात्र त्यांचं लग्न हे डेस्टिनेशन वेडिंग होतं. शहरातील गर्दीच्या ठिकाणापासून दूर नॅशनल पार्कमध्ये त्यांनी लग्न केलं. ३६ वर्षीय सुरभीने लग्नासाठी देवभूमी उत्तराखंडची निवड केली. येथील जिम कॉर्बेट नॅशनल पार्कमधील एका रिसॉर्टमध्ये सुरभी अन् सुमित याचं लग्न पार पडलं.
लग्नासाठी सुरभीने लेहेंगा निवडला होता. त्याबरोबर तिने सुंदर मॅचिंग दागिने घातले होते. तर, सुमितने या खास दिवसासाठी पांढऱ्या रंगाची शेरवानी घातली. रिसॉर्टमध्ये अत्यंत साधेपणाने त्यांचं लग्न पार पडलं. या लग्नाला दोघांचे कुटुंबीय व मोजकेच लोक उपस्थित होते.
शुभ विवाह ❤️
27/10/2024 असं कॅप्शन देत सुरभीने लग्नातील फोटो पोस्ट केले आहेत.
हेही वाचा – पृथ्वीक प्रतापच्या पत्नीचे नाव काय? दोघांचे लग्नाआधीचे फोटो पाहिलेत का?
सुरभी व सुमित दोघांना वैवाहिक आयुष्यासाठी चाहते व सेलिब्रिटी शुभेच्छा देत आहेत. तिच्या या पोस्टवर चाहत्यांकडून लाइक्स व कमेंट्सचा वर्षाव होत आहे. दरम्यान, सुरभी व सुमित दोघेही मागील काही वर्षांपासून एकत्र आहेत. दोघांनी नातं जाहीरपणे स्वीकारलं नव्हतं. आता सुरभीने लग्नाची घोषणा करून चाहत्यांना सुखद धक्का दिला. हे दोघेही एका म्युझिक व्हिडिओच्या शूट दरम्यान भेटले आणि तेव्हापासून सोबत आहेत आणि आता ते लग्नबंधनात अडकले आहेत.
हेही वाचा – आर्या जाधवचा फोन आल्यावर सूरज चव्हाण म्हणाला, “कोण पाहिजे?” रॅपरने माफी मागितली अन्…, पाहा Video
सुरभी ज्योतीचं काम
सुरभीने आतापर्यंत अनेक गाजलेल्या मालिकांमध्ये काम केलं आहे. ‘कबूल है’, ‘तनहाइयां’, ‘लौट के कोई आया है’, ‘इश्कबाज’, ‘प्यार तूने क्या किया’, ‘ये जादू है जिन का’, ‘देव’, ‘लव्ह लूक व्हाट यू मेड मी डू’ या मालिकांसाठी सुरभी ओळखली जाते. ती ‘नागिन’ मालिकेतही होती. तसेच तिने अभिनेता गश्मीर महाजनीबरोबर ‘गुनाह’ या वेब सीरिजमध्येही काम केलंय.
