Munna Michael Trailer: तुम्ही पाहिला का ‘मुन्ना मायकल’ सिनेमाचा ट्रेलर?

मुन्ना ही व्यक्तिरेखा साकारणारा टायगर हा मायकल जॅक्सनचा फार मोठा चाहता असतो. आपल्या स्वप्नांच्या मागे जाताना मुन्नाचा ‘मुन्ना मायकल’ कसा होतो हे सांगणारा हा सिनेमा आहे. निधी त्याच्या स्वप्नांपर्यंत पोहोचायला मदत करते. तर दुसरीकडे नवाज एका कुख्यात गुंडाची व्यक्तिरेखा साकारताना दिसत आहे. पण त्याला नृत्यात आपले नाव कमवायचे असते म्हणून तो मुन्नाकडे नृत्य शिकायला येतो. हा सिनेमा म्हणजे फक्त नृत्यावरच नसून अॅक्शनचा परिपूर्ण तडकाही यात दिसणार आहे. शब्बीर खान दिग्दर्शित मुन्ना मायकल हा सिनेमा येत्या २१ जुलैला प्रदर्शित होणार आहे.

This trailer packs a lot: Great action, super dances and wonderful visuals… Here's #MunnaMichaelTrailer. https://t.co/sOLXwPdATE

— taran adarsh (@taran_adarsh) June 5, 2017

काही दिवसांपूर्वी या सिनेमाचे पोस्टर प्रदर्शित करण्यात आले होते. या सिनेमातला नवाजचा लूक मनात कुतूहल निर्माण करणारा आहे. तर दुसरीकडे टायगरने या सिनेमासाठी घेतलेली मेहनतही स्पष्टपणे दिसते. हा सिनेमा सर्वात जास्त खास कोणासाठी असेल तर तो टायगरसाठी आहे. कारण या सिनेमातून तो मायकल जॅक्सन आणि बाबा जॅकी श्रॉफ यांना एक अनोखी मानवंदना देणार आहे. टायगरने याआधी मायकल जॅक्सनला त्याच्या नृत्यातून आदरांजली वाहिली आहे. पण तो पहिल्यांदा आपल्या बाबांना नृत्यातून सन्मानित करणार आहे. सिनेमात जॅकीसाठी खास गाणे बनवण्यात आले असून त्यासाठी वेगळी कोरिओग्राफी करण्यात आली आहे.