खासकरुन आपल्या अॅक्शन सीनसाठी ओळखला जाणारा अभिनेता म्हणजे टायगर श्रॉफ. अनेक वेळा चाहत्यांमध्ये टायगरच्या दमदार अॅक्शन सीनसोबतच त्याच्या नृत्यकौशल्याचीही चर्चा होत असते. सध्या सोशल मीडियावर टायगरचा असाच एक डान्स व्हिडीओ व्हायरल होत असून त्यात टायगरच्या डान्सचा खास अंदाज पाहायला मिळत आहे. सोशल मीडियावर सक्रीय असलेल्या टायगरने त्याच्या डान्सचा एक व्हिडीओ इन्स्टाग्रामवर शेअर केला आहे. हा व्हिडीओ जुना असून यात तो 'दस बहाने' या गाण्यावर थिरकताना दिसत आहे. त्याच्यासोबतच अभिनेत्री श्रद्धा कपूरदेखील असल्याचं पाहायला मिळत आहे. यात हे दोघंही नृत्याचा सराव करत आहेत. View this post on Instagram Heres some extra bts rehearsal footage of @shraddhakapoor and i for dus bahane 2.0. Hope you guys are tuned it to #baaghi3 on @stargoldofficial choreo by @i_am_princegupta @alishasingh.official A post shared by Tiger Shroff (@tigerjackieshroff) on Nov 1, 2020 at 1:17am PST दरम्यान, सध्या सोशल मीडियावर या व्हिडीओची चर्चा असून चाहत्यांसोबतच अनेक सेलिब्रिटींनी त्यावर कमेंट्स करत असल्याचं दिसून येत आहे. टायगर लवकरच 'हिरोपंती २' या आगामी चित्रपटात झळकणार आहे. या चित्रपटात त्याच्यासोबत अभिनेत्री तारा सुतारिया स्क्रीन शेअर करणार असल्याचं म्हटलं जात आहे.
