बॉलिवूड कलाकार हे सोशल मीडियावर प्रचंड सक्रिय असल्याचे पाहायला मिळते. ते चाहत्यांसोबत फोटो आणि व्हिडीओ शेअर करताना दिसतात. पण कधीकधी या कलाकारांना सोशल मीडियावर ट्रोल देखील केले जाते. नुकताच अभिनेत्री पूजा हेगडेसोबत देखील असेच काहीसे झाले आहे. नुकताच अभिनेत्री पूजा हेगडे इन्स्टाग्राम स्टोरीद्वारे चाहत्यांशी संवाद साधत होती. तिने 'Post a photo of' या ट्रेंडमध्ये भाग घेतला होता. त्यावेळी पूजाचे कधी न पाहिलेले फोटो पाहायला मिळाले. दरम्यान एका यूजरने तिच्याकडे न्यूड फोटोची मागणी केली होती. पूजाने या नेटकऱ्याला उत्तर देत पायाचा फोटो शेअर केला आहे. हा फोटो शेअर करत तिने 'नंगे पाव' असे कॅप्शन दिले आहे. पूजाने दिलेले उत्तर पाहून त्या नेटकऱ्याची बोलती बंद झाली असेल. View this post on Instagram A post shared by Pooja Hegde (@hegdepooja) आणखी वाचा- मलायकाने शेअर केला बोल्ड फोटो, सोहेल खानच्या पत्नीने केली कमेंट पूजा हेगडे ही अतिशय लोकप्रिय दाक्षिणात्य अभिनेत्री आहे. तिने 'मोहजोंदारो' या चित्रपटातून बॉलिवूडमध्ये पदार्पण केले. आशुतोष गोवारिकर यांच्या या चित्रपटात ती अभिनेता हृतिक रोशनसोबत दिसली होती. आता ती लवकरच सुपरस्टार प्रभास सोबत 'राधेश्याम' या चित्रपटात दिसणार आहे. पूजा आणि प्रभासला चित्रपटात एकत्र पाहण्यासाठी चाहते फार उत्सुक आहेत.
