‘बालपण देगा देवा मध्ये’ अंधश्रध्देविरोधात आनंदीचे पहिले पाऊल!

वाचा : जाणून घ्या ‘ज्युनियर जी’मधून प्रसिद्धीस आलेला हा बालकलाकार सध्या करतोय तरी काय?

श्रध्दा जर डोळस असेल तर माणसाच्या जगण्याला आधार देते. माणूस श्रद्धेच्या बळावर अनेक अडचणींवर मात करू शकतो. पण अंधश्रध्दा माणसाचा घात देखील करू शकते. त्यामुळे तिला वेळीच मिटवणे गरजचे असते. पाण्याची समस्या, पाऊस कमी पडणे या समस्या महाराष्ट्रातील माणसाला माहिती नाही असे नाही. त्यामुळे गावामध्ये पाऊस पडावा, पाण्याची टंचाई भासू नये अशी प्रत्येक गावकऱ्याची अपेक्षा असते. आनंदी राहत असलेल्या गावामध्ये राहणाऱ्या गावकऱ्यांची देखील अशी आशा आहे. कारण गावामध्ये पाण्याची टंचाई आहे, पाऊस देखील कमी पडतो त्यामुळे गावामध्येच राहणारा बिर्जे नावाच्या माणसाने देवाला सांगितले की यावर्षी पाऊस पडू दे त्यासाठी मी कोकरूचा बळी देईन. पाऊस पडावा म्हणून बिर्जे कोकरूचा बळी देणार असल्याची गोष्ट संपूर्ण गावामध्ये कळते. अण्णाच्या कानावर देखील ही बाब येते त्यांना या गोष्टीचा खूप राग येतो. गावामधलाच एक मुलगा जो आनंदीचा देखील मित्र आहे तो तिला ही गोष्ट सांगतो. आनंदीला ही गोष्ट चुकीची वाटते आणि सोनूच्या मदतीने ती त्या निष्पाप कोकरूचा जीव वाचवते. बिर्जेला आनंदी आणि अण्णा हे समजवून सांगतात की, एका निष्पाप जीवाचा बळी देऊन हे सगळ साध्य खरच होईल असं तुला वाटत का? हे चुकीच आहे. बिर्जेला त्याची चूक कळते.

वाचा : जाणून घ्या, विशेषाधिकाऱ्याचा मुलगा असलेल्या ‘ट्युबलाइट’च्या छोट्या माटिनविषयी

एका मुक्या प्राण्याचा जीव घेऊन काहीच साध्य होतं नसते हा महत्त्वाचा संदेश ‘बालपण देगा देवा’ या मालिकेमधून समाजाला देण्यात येत आहे.