बॉलिवूड अभिनेता विवेक ओबेरॉय हे नाव साऱ्यांनाच ठावूक असेल. विवेकने बॉलिवूडमध्ये काही मोजक्याच भूमिक केल्या. मात्र २०१९ मध्ये पंतप्रधान नरेंद्र मोदी यांच्या जीवनावर आधारित चित्रपट केल्यामुळे विवेक चर्चेत आला. या चित्रपटामुळे अनेक वाद निर्माण झाले होते. त्यानंतर आता विवेकने निर्मिती क्षेत्रात पदार्पण केलं आहे.

या बातमीसह सर्व प्रीमियम कंटेंट वाचण्यासाठी साइन-इन करा
ई-मेल द्या, नी साइन-अप करा
Already have a account? Sign in

विवेकने त्याच्या इन्स्टाग्रामवर या आगामी चित्रपटाचं पहिलं पोस्टर शेअर केलं असून तो या चित्रपटाच्या माध्यमातून निर्मिती क्षेत्रात पदार्पण करत असल्याचं सांगितलं आहे. विशेष म्हणजे हा मर्डर मिस्ट्री चित्रपट असल्याचं म्हटलं जात आहे.

”इति: कॅन यू सॉल्व्ह युआर ऑन मर्डर’ असं या चित्रपटाचं नाव आहे. या चित्रपटाचं दिग्दर्शन विशाल मिश्रा करत आहे. ज्यावेळी विशालने मला या चित्रपटाची कथा ऐकवली त्याचवेळी मी या चित्रपटाची निर्मिती करण्याचा निर्धार केला. या चित्रपटाची कथा मला फार आवडली असून ती एका महिलेभोवती फिरत आहे”, असं विवेकने सांगितलं.

दरम्यान, सध्या देशात लॉकडाउन असल्यामुळे या चित्रपटाचं चित्रीकरणही रखडलं आहे. मात्र याच वर्षी सप्टेंबर किंवा ऑक्टोबरमध्ये चित्रीकरणाला सुरुवात होईल असं सांगण्यात येत आहे. तसंच अद्याप या चित्रपटाशी निगडीत अनेक गोष्टी गुलदस्त्यात आहे. त्यामुळे या चित्रपटात कोणकोणते कलाकार झळकणार हेदेखील स्पष्ट झालेलं नाही.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Vivek oberoi turns producer with thriller film iti ssj
First published on: 01-07-2020 at 14:43 IST