Bigg Boss 12 : जाणून घ्या, ‘भजन सम्राट’ अनुप जलोटा यांच्या गर्लफ्रेंडबद्दल

जसलीन २८ वर्षांची असून ती मूळची कोलकाताची आहे. गायनात तिला रुची असून वयाच्या ११व्या वर्षापासून तिने गायनाचे प्रशिक्षण घेतले. क्लासिकल आणि वेस्टर्न या दोन्ही प्रकारच्या गायनात ती निपुण असल्याचं म्हटलं जातं. तिने आजवर बऱ्याच प्रसिद्ध गायकांसोबत परफॉर्म केले आहे. मिका सिंग, सुखविंदर सिंग, पपॉन यांसारख्या नावाजलेल्या गायकांसोबत तिने परफॉर्म केले आहे.

View this post on Instagram

A post shared by Jasleen Matharu ਜਸਲੀਨ ਮਠਾੜੂ (@jasleenmatharu)

गायनासोबतच तिला नृत्याचीही फार आवड आहे. भरतनाट्यम, हिप-हॉप, साल्सा आणि बेले डान्स या नृत्याच्या प्रकारांचे तिने प्रशिक्षण घेतले आहे. जसलीनचं सौंदर्य आणि तिचं नृत्यकौशल्य मला सर्वाधिक आकर्षित करत असल्याचं जलोटा यांनी ‘बिग बॉस’च्या ग्रँड प्रिमिअरमध्ये सांगितलं होतं.

View this post on Instagram

A post shared by Jasleen Matharu ਜਸਲੀਨ ਮਠਾੜੂ (@jasleenmatharu)

जसलीनचे वडील चित्रपट निर्माते असून त्यांच्या ‘लव डे’ या चित्रपटात जसलीनने गाणंदेखील गायलं आहे. इतकंच नाही तर किक बॉक्सिंगमध्ये तिने ब्राऊन बेल्ट मिळवला आहे.

‘बिग बॉस १२’च्या ग्रँड प्रिमिअरमध्ये जसलीन आणि अनुप जलोटा यांनी आपल्या प्रेमाची कबुली दिली. गेल्या साडेतीन वर्षांपासून हे दोघं एकमेकांना डेट करत आहेत. ‘मला भेटण्यासाठी अनुप कोलकाताला यायचे आणि आम्ही लपूनछपून एकमेकांना भेटायचो. पण आता बिग बॉसच्या घरात आम्हाला एकत्र मुक्तपणे वावरता येणार आहे,’ असं जसलीन म्हणाली.