निवृत्त पोलीस निरीक्षक सुधाकर घागरे यांच्या घरात १ हजार फ्राईंग पॅन सापडल्याने पोलिसांनी त्यांच्याविरोधात अदखलपात्र गुन्हा नोंदविला आहे. ना. म.जोशी मार्ग पोलीस ठाण्यातून निवृत्त झालेले घागरे यांच्या वरळी कोळीवाडा येथील घरात मतदारांना वाटण्यासाठी भांडी आणल्याची माहिती मिळाल्यानंतर भरारी पथकाने घरात छापा घातला. त्यावेळी घरात एक हजार फ्राईंग पॅन, प्रेशर कुकर आढळून आले. हळदी कुकुंच्या कार्यक्रमानिमित्त ही भांडी आणल्याचे त्यांनी सांगितले. मात्र हळदीकुकूंच्या नावाखाली मतदारांना वाटण्यासाठी ही भांडी आणल्याचा आरोप शिवसैनिकांनी केला आहे.
