मुंबईतील खार रोड येथे एका इमारतीचा काही भाग कोसळला आहे. खार रोड क्रमांक १७ वर ही इमारत आहे. मिळालेल्या माहितीनुसार, इमारतीच्या पायऱ्यांचा भाग कोसळला आहे. सुदैवाने यामध्ये कोणीही जखमी झालेलं नाही. अग्निशमन दलाच्या चार गाड्या घटनास्थळी दाखल झाल्या आहेत. दरम्यान कोणतीही मोठी दुर्घटना होऊ नये यासाठी रहिवाशांना इमारतीतून बाहेर काढण्याचं काम सध्या सुरु आहे. Mumbai: A part of a staircase of a building collapsed in Khar (West), today. No injuries have been reported. — ANI (@ANI) September 24, 2019 काही दिवसांपूर्वी क्रॉफर्ड मार्केटमध्ये लोहार चाळीत तीन मजली युसूफ इमारतीचा भाग कोसळला होता. रात्री सव्वा नऊच्या सुमारास या इमारतीच्या मागच्या बाजूचा भाग कोसळला. यात ढिगाऱ्याखाली दोन ते तीन जण अडकले होते.अग्निशमन दलाच्या चार गाडय़ा व पोलीस घटनास्थळी दाखल झाले होते. ढिगाऱ्याखालून दोन जणांना सुखरुप बाहेर काढण्यात आले होते. रात्री उशिरापर्यंत अग्निशमन दलाकडून बचावकार्य सुरू होते. ही इमारत म्हाडाची असल्याचे सांगितले जाते. खबरदारीचा उपाय म्हणून युसूफ इमारतीबरोबरच त्याला लागूनच असलेली द्वारकादास इमारतही रिकामी करण्यात आली होती.