अभिनेता सुशांत सिंह राजपूत याने राहत्या घरी गळफास घेऊन आत्महत्या केली. त्याचा मृत्यू गळफास लागल्याने झाला असं पोस्टमॉर्टेमच्या अहवालात स्पष्ट झालं आहे. मात्र तो क्लिनिकल डिप्रेशमध्ये होता. ज्यातून ते आत्महत्येचं टोकाचं पाऊल उचललं अशा बातम्या काही प्रसारमाध्यमं चालवत आहेत. खरंच व्यावसायिक स्पर्धेमुळे तो क्लिनिकल डिप्रेशनमध्ये गेला होता का? याचीही चौकशी केली जाईल असं महाराष्ट्राचे गृहमंत्री अनिल देशमुख यांनी म्हटलं आहे. मुंबई पोलीस यासंदर्भातली चौकशी करतील असंही देशमुख यांनी म्हटलं आहे. While the post mortem report says actor @itsSSR committed suicide by hanging himself, there are media reports that he allegedly suffered from clinical depression because of professional rivalry. @MumbaiPolice will probe this angle too. — ANIL DESHMUKH (@AnilDeshmukhNCP) June 15, 2020 अभिनेता सुशांत सिंह राजपूत याने रविवारी त्याच्या मुंबईतील राहत्या घरी गळफास घेऊन आत्महत्या केली. त्याला नैराश्याने ग्रासले होते असा प्राथमिक अंदाज पोलिसांनी रविवारी वर्तवला होता. दरम्यान डिप्रेशनमुळेच सुशांतने असे टोकाचे पाऊल उचलले असे वृत्त काही प्रसार माध्यमांनी चालवले. त्याची दखल घेत महाराष्ट्राचे गृहमंत्री अनिल देशमुख यांनी असे खरंच झाले होते का याची चौकशी करण्याचे आदेश दिले आहेत. दरम्यान आज सुशांतच्या पार्थिवावर विलेपार्ले येथे अंत्यंस्कार करण्यात आले. सुशांतने पवित्र रिश्ता या मालिकेपासून त्याच्या अभिनय कारकिर्दीची सुरुवात केली होती. काय-पो-छे, शुद्ध देसी रोमान्स, पीके, छिछोरे यांसारख्या सिनेमांमध्ये त्याने वैविध्यपूर्ण भूमिका केल्या होत्या.
