मानखुर्दजवळ रेल्वे रूळाला तडे गेल्याने हार्बर रेल्वेची वाहतूक २५ मिनिटे उशिराने धावत आहे. यामुळे हार्बर रेल्वेची वाहतूक विस्कळीत झाली आहे. पनवेलहून सीएसटीकडे जाणाऱ्या रेल्वे वाहतुकीवर परिणाम झाला असून येथील लोकल उशिराने धावत आहेत. सकाळी ६.२५ च्या सुमारास रेल्वे रूळाला तडे गेल्याचे कर्मचाऱ्यांच्या लक्षात आले. त्यानंतर तातडीने या रूळाची दुरूस्ती करण्यात आली आहे. परंतु विस्कळीत झालेली रेल्वे वाहतूक सुरळित होण्यास वेळ लागणार असल्यामुळे पनवेलहून सीएसटीकडे जाणाऱ्या लोकल सुमारे २० ते २५ मिनिटे उशिराने धावत आहेत.
