मध्य व हार्बर रेल्वे मार्गावर आज मेगाब्लॉक घेण्यात येणार आहे. मध्य रेल्वेच्या कल्याण-ठाणे अप-धीम्या मार्गावर मेगाब्लॉक घेण्यात येणार आहे. तर हार्बर मार्गावरही आज मेगाब्लॉक घेण्यात येणार असून कुर्ला-वाशी स्थानकादरम्यान अप-डाऊन मार्गांवर मेगाब्लॉक घेण्यात येणार आहे. मध्य रेल्वेवर सकाळी १० वाजून ४८ मिनिटांपासून ते संध्याकाळी ४ वाजून १४ मिनिटांपर्यंत हा मेगाब्लॉक असेल. यादरम्यान ठाकुर्ली, कोपर, मुंब्रा आणि कळवा या स्थानकांवर लोकलसेवा बंद असणार आहे. तर हार्बर मार्गावर सकाळी ११ वाजून १० मिनिटांपासून ते संध्याकाळी ४ वाजून १० मिनिटांपर्यंत मेगब्लॉक असणार आहे. यादरम्यान वाशी-पनवेल आणि सीएसएमटी-कुर्ला मार्गावर विशेष लोकल चालवल्या जाणार आहेत.
