देशावर करोना विषाणूचं संकंट असल्यामुळे देशातील जनता त्रस्त झाली आहे. सामान्य जनतेपासून सेलिब्रिटींपर्यंत प्रत्येक जण या समस्येमुळे हैराण झाला आहे. त्यातच या काळात अभिनेता शाहरुख खानने त्याच्या जवळची व्यक्ती गमावली आहे. शाहरुखच्या रेड चिलीज एन्टरटेन्मेंट कंपनीत काम करणाऱ्या अभिजीत या कर्मचाऱ्याचं निधन झालं आहे. शाहरुखने ट्विट करुन ही माहिती देत शोक व्यक्त केला आहे. "आपण सगळ्यांनी एकत्र मिळून ड्रीम्स अनलिमिडेटसोबत कामाची सुरुवात केली होती. अभिजीत माझा फार चांगला सहकारी होता. आम्ही एकत्र मिळून अनेक उत्तम चित्रपटांची निर्मिती केली. काही वेळा अपयशही पाहिलं. मात्र आम्ही कायम पुढे जाण्याचा प्रयत्न करत राहिलो. तो टीममधला एक आभारस्तंभ होता. तुझी फार आठवण येईल मित्रा", असं ट्विट शाहरुख खानने केलं आहे. We all started the journey of making films with Dreamz Unlimited. Abhijeet was my most resilient & solid ally. V did some good, some wrong but always believed v will sail through because strong team members like him were there to look after the rest of us. Will miss u my friend. — Shah Rukh Khan (@iamsrk) May 15, 2020 दरम्यान, शाहरुखप्रमाणेच रेड चिलीजकडून देखील एक ट्विट करुन अभिजीत यांनी आदरांजली वाहण्यात आली आहे. काही दिवसापूर्वी अभिनेता आमिर खानच्या अस्टिटंटचंदेखील निधन झालं होतं.
