News Flash

पारा घसरला पण थंडी दूरच

राज्यात पसरलेल्या गारव्याने आता मुंबईतही प्रवेश केला आहे. गुरुवारी सकाळी सांताक्रूझ येथील तापमापकातील पारा १७.६ अंश सेल्सिअसवर घसरला.

| November 22, 2013 02:24 am

राज्यात पसरलेल्या गारव्याने आता मुंबईतही प्रवेश केला आहे. गुरुवारी सकाळी सांताक्रूझ येथील तापमापकातील पारा १७.६ अंश सेल्सिअसवर घसरला. पुढील दोन दिवसही पारा चढण्याची शक्यता नसली तरी ही थंडी नव्हे, असे वेधशाळा अधिकारी सांगत आहेत.
गेल्या आठवडय़ात तापमान २० अंश से. पेक्षा कमी झाले. बुधवारी सांताक्रूझ येथे १९.६ अंश से. तापमान नोंदले गेले आणि त्यानंतर गुरुवारी ते आणखी दोन अंशांनी घसरले.
उत्तर भारतात थंडीची लाट सुरू आहे. तेच गार वारे शहरापर्यंत पोहोचले आहेत. पुढील दोन दिवसही तापमानात घट कायम राहील. मात्र त्यानंतर पुन्हा तापमान वाढण्याची शक्यता आहे, असे मुंबई हवामानशास्त्र विभागाचे संचालक व्ही. के. राजीव म्हणाले. मुंबईत डिसेंबर अखेरीस थंडीला सुरुवात होते. त्यामुळे तोपर्यंत तापमानात चढउतार होतील, असेही त्यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2013 2:24 am

Web Title: temperature reduced in mumbai but no cold atmosphere
Next Stories
1 साखरेचे दर वाढेपर्यंत उसाला भाव नाही- मुख्यमंत्री
2 जिया खानची आत्महत्या नव्हे हत्या?
3 आगामी निवडणुकीत राष्ट्रवादी महिला उमेदवारांना प्राधान्य देणार – पवार
Just Now!
X