विनातिकीट लोकल प्रवाशांमध्ये वाढ

मध्य रेल्वे उपनगरीय मार्गावर जुलै महिन्यात ५४ हजार विनातिकीट प्रवाशांवर कारवाई करण्यात आली आहे.

मुंबई: मध्य रेल्वे उपनगरीय मार्गावर जुलै महिन्यात ५४ हजार विनातिकीट प्रवाशांवर कारवाई करण्यात आली आहे. गेल्या चार महिन्यांतील ही सर्वाधिक वाढ आहे. विशेष म्हणजे गेल्या चार महिन्यात अत्यावश्यक सेवा कर्मचाऱ्यांची चार हजार ९४ बनावट ओळखपत्रेही जप्त केली आहेत.

१ जुलै ते २८ जुलै २०२१ मध्ये ५४ हजार १२० विनातिकीट उपनगरीय रेल्वे प्रवाशांवर कारवाईचा बडगा उचलण्यात आला आहे. त्यांच्यावर केलेल्या कारवाईतून एक कोटी ८० लाख रुपयांचा दंड वसूल केला. एप्रिल २०२१ मध्ये २८ हजार ९१० विना तिकीट प्रवाशांवर कारवाई झाली होती. त्यानंतर मे  मध्ये हीच संख्या ३२ हजार ९०७ आणि जूनमध्ये ४० हजार ५२५ एवढी झाली.

एप्रिल २०२१ ते जुलै २०२१ पर्यंत ४ हजार ९४ बनावट ओळखपत्र जप्त करण्यात आले आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 54000 passengers caught without ticket on central railway in july month zws