scorecardresearch

मुंबई : परकीय चलनाचे आमिष दाखवून बनावट नोटा देणारी टोळी अटकेत

आरोपींकडून पोलिसांनी मोठ्या प्रमाणात बनावट नोटा आणि ६४ सिम कार्ड हस्तगत केली असून याप्रकरणी अन्य पाच आरोपींचा पोलीस शोध घेत आहेत.

मुंबई : परकीय चलनाचे आमिष दाखवून बनावट नोटा देणारी टोळी अटकेत
परकीय चलनाचे आमिष दाखवून बनावट नोटा देणारी टोळी अटकेत (प्रातिनिधित छायाचित्र)

परकीय चलनाऐवजी कागदाचे बंडल देऊन फसवणूक करणाऱ्या एका टोळीला नेहरूनगर पोलिसांनी अटक केली. या आरोपींकडून पोलिसांनी मोठ्या प्रमाणात बनावट नोटा आणि ६४ सिम कार्ड हस्तगत केली असून याप्रकरणी अन्य पाच आरोपींचा पोलीस शोध घेत आहेत.

काही दिवसांपूर्वी कुर्ला परिसरात गस्त घालत असताना नेहरूनगर पोलिसांनी एका संशयित आरोपीला ताब्यात घेतले होते. झडती घेतली असता पोलिसांना त्याच्याजवळ बनावट नोटा सापडल्या. पोलिसांनी त्याची कसून चौकशी केली असता त्याने परकीय चलनाचे आमीष दाखवून फसवणूक केल्याचे कबुल केले.

हेही वाचा – मुंबई : शिवाजी पार्क परिसरात ड्रोन, छोटी विमाने उडवण्यास मज्जाव

हेही वाचा – मुंबई : स्वराज्यभूमीवरील लोकमान्य टिळकांच्या समाधीस्थळी नामफलक बसविण्यात दिरंगाई

टोळीतील आरोपी अनोळखी व्यक्तींना फोन करून आपल्याकडे मोठ्या प्रमाणात परकीय चलन असल्याची माहिती देत होते. परकीय चलन कमी किमतीत देण्याचे आमीष दाखवूत ते या व्यक्तीला पैसे देण्यासाठी निर्जन ठिकाणी भेटायला बोलवत होते. यावेळी इतर आरोपी व्यक्तीला बोलण्यात गुंतवून त्याला परकीय चलनाऐवजी बनावट नोटा देऊन त्याची फसवणूक करीत होते. या टोळीने अशा प्रकारे मुंबईत अनेकांना मोठ्या प्रमाणात गंडा घातला असून याप्रकरणी पोलिसांनी तीन आरोपींना अटक केली आहे. अन्य पाच आरोपींचा पोलीस शोध घेत आहेत.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 25-01-2023 at 17:11 IST

संबंधित बातम्या