दक्षिण मुंबईत चार मजली इमारतीचा काही भाग कोसळला आहे. लोकमान्य टिळक मार्गावर असणाऱ्या अहमद इमारतीचा भाग कोसळला आहे. सकाळी ११ वाजता इमारतीचा हा भाग कोसळला असल्याची माहिती असून माहिती मिळताच अग्मिशमन दलाच्या सात गाड्या घटनास्थळी दाखल झाल्या आहेत. Mumbai: A portion of a four-storied building at Lokmanya Tilak Road collapses; 7 Mumbai fire brigade vehicles including ambulance and rescue vehicle rushed to the spot pic.twitter.com/WPW49bzw9C — ANI (@ANI) September 20, 2019 मिळालेल्या माहितीनुसार, धोकादायक इमारतींच्या यादीत या इमारतीचं नाव होतं. काही दिवसांपूर्वी इमारतीतील रहिवाशांना तेथून हलवण्यात आलं होतं. यामुळे सुदैवाने कोणतीही हानी झालेली नाही. दरम्यान इमारतीच्या खाली असणाऱ्या काही दुकांनांचं मात्र खूप नुकसान झालं आहे. इमारतीचा भाग कोसळल्यानंतर अग्निशमन दलाचे जवान घटनास्थळी दाखल झाले असून मलबा हटवण्याचं काम सुरु आहे.
