मुलुंडमध्ये शुक्रवारी पहाटेच्या सुमारास एका बंद घराची भिंत कोसळून एक महिला ठार, तर एक जण जखमी झाला. भिंत शेजारच्या घरावर पडल्यामुळे ही दुर्घटना घडली. मुलुंड पश्चिमेकडील हनुमानपाडा येथे शुक्रवारी पहाटे ही दुर्घटना घडली. एका बंद घराची भिंत बाजूच्या घरावर पडली.या दुर्घटनेत बाजूच्या घरातील लक्ष्मीबाई कताडे (४०) आणि रघुनाथ कताडे (५०) जखमी झाले. त्यांना जवळच्या अगरवाल रुग्णालयात दाखल करण्यात आले. रुग्णालयातील डॉक्टरांनी लक्ष्मीबाई यांना मृत घोषित केले. तर रघुनाथ यांच्यावर उपचार करून घरी पाठविण्यात आले.
