ठाकरे सरकार, मुंबई पालिकेविरोधात किरीट सोमय्यांची लोकायुक्तांकडे तक्रार

मुलुंड ओव्हरब्रीज प्रकरणात १०० कोटींच्या गैरव्यवहाराचा आरोप

मुलुंड येथील मॅरेथॉन अव्हेन्यू येथे तानसा पाईपलाईनवर ओव्हर ब्रीज बांधण्याच्या मुंबई महापालिकेच्या निर्णयाविरुद्ध भाजपा नेते माजी खासदार किरीट सोमय्या यांनी लोकायुक्तांकडे तक्रार दाखल केली आहे. परिसरातील हजारो नागरिकांनी आक्षेप घेऊनही केवळ एका बिल्डरच्या आणि महापालिकेच्या कंत्राटदाराच्या फायद्यासाठी हा निर्णय घेण्यात आल्याचे सोमय्या यांनी तक्रारीत नमूद केले आहे. सोमय्या यांनी ट्विट करत उद्धव ठाकरे सरकार आणि मुंबई महापालिका प्रशासन यांच्याविरोधात लोकायुक्तांकडे तक्रार केल्याची माहिती दिली आहे.

सोमय्या यांनी आपल्या तक्रारीत म्हटले आहे, “या ओव्हर ब्रीजसाठी आवश्यक तो प्रोजेक्ट रिपोर्ट पालिकेने बनविलेला नाही. हा ब्रीज लोकांसाठी किती उपयोगात येईल? याचा वाहतुकीवर कोणता परिणाम होईल? याचा कोणताच उल्लेख महापालिकेकडून करण्यात आलेला नाही. या ओव्हरब्रीजबाबत जनतेकडून हरकती मागविण्यात आलेल्या नाहीत. या ब्रीजला स्थानिक नागरिकांनी जोरदार आक्षेप घेतला होता, मात्र त्याकडेही साफ दुर्लक्ष करण्यात आले आहे.”

“पाईपलाईनच्या दुसऱ्या बाजूला असणाऱ्या जमीन मालकाच्या फायद्यासाठी हा निर्णय घेण्यात आला आहे. २०१९मध्ये मंजूर करण्यात आलेल्या विकास आराखड्यात या ब्रीजचा उल्लेख करण्यात आलेला नाही. तरीही अशा प्रकारची कामे सुरू आहे”, असेही किरीट सोमय्या यांनी तक्रारीत नमूद केले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bjp leader filed complaint petition against uddhav thackeray government bmc to lokayukta for 100 crore rupees tansa pipeline mulund bridge scam vjb

Next Story
न्यायालयाचा ‘अंतिम’ आदेश नसल्याने शालेय बसवर अद्याप कारवाईचा बडगा नाही